saramohamed...

انا مقولتلكش تقرب منى .. لكن لو قربت حاول متبعدش ، و ما قولتلكش توعدني .. بس لو وعدتنى متخلفش بوعدك ايا كانت الاسباب ، ولا عايزاك تسأل .. لكن لو سألت متختفيش بعدها ، انا مش بطلب إهتمامك .. بس لو إهتميت متهملش ، أنا مش مستنيه تعشمني .. لكن لو عشمتني متكسرنيش .. ولا بفرض عليك انك تحبنى .. لكن لو إعترفت بحبك ليا و علقتني متخذلنيش !. يااااريت تخليك قد كلامك أو تخلي كلامك علي قدك !. - أنا في حالي لاقصي درجة ممكنه .. مبطلبش من حد حاجة و لا بشحت السؤال من حد .. انا الى بسيب خوفًا من إني أتساب و بعمل مساافات حفاظًا علي مشاعري .. ف متربطنيش بحبال دايبة و تعلقني و لما أديك الأمان ألاقي نفسي واقعه علي ملا وشي !.. تخلينى من بعد ما كنت ف سابع سما اوصل لسابع ارض ف لحظه .. اإذا كانت كلمتك بالنسبالك كلمة و خلاص ، فهي بالنسبة لغيرك حياة وأمل عايش بيها !. - تعلموا الصدق قبل العشق لأن العبث بالمشاعر أبشع جريمة .