Bvcxg

ربي هب لي من لدنك زوجًا صالحًا يصب علي الحب صبًا ذاكرًا لك نقيًا تقيًا هينًا لينًا صوامًا قوامًا عابدًا لك تهتز أوتار الفؤاد من جمال تلاوته للقرآن يقتدي بنبيك محمد صلى الله عليه وسلم حسن الخَلق والخُلق سندًا طيب العشرة لا يكل ولا يمل ولا يميل يأخذ بشتات قلبي فندخل الجنة سويًا يعوضني عن كل الي مريت فيه يحبني كحبه صلىٰ الله عليه وسلم للسيدة عائشة والسيدة خديجة رضي الله عنهم وارضاهم يعاملني كمعاملته صلى الله عليه وسلم لزوجاته رضي الله عنهم وارضاهم، هنا بعض النقاط المهمة اتمنى قبل انك تراسلني تقراها زين واذا هي فيك وانت جاد تفضل: بالنسبة للزواج انا ما يهمني الشكل او الحالة المادية كثر ما يهمني احترامه واخلاقه ومعاملته لي ف بالنسبة للشكل ربي ما خلق شي قبيح وغير كذا لو أخذت ملك جمال ف لما اعيش معه راح اتعود عليه واصير اشوفه عادي بينما لو كان أخلاقه وتعامله معي حلو راح اصير اشوفه احلى من كل رجال الدنيا الأهم بس ان يكون في ارتياح وقبول للشكل،واما الحالة المادية ف المال رزق من الله وسواء كان شخص غني او فقير ف ربي لو أمر انه يغنيه او يفقره هذا امر ربي لكن اكيد مو يعني يقعد وينتظر رزقه يجيه لازم يسعى له باختصار اهم شي يكون زوجي قادر يوفر لي حياة كريمة لي ولعيالنا فالمستقبل، أكثر شي اخافه المعاملة السيئة الضرب والسب لان مو هذا الي علمنا اياه ديننا ولا هذا كان معاملة نبينا محمد صلى الله عليه وسلم مع اهل بيته، الزواج لازم بكون مبني على موده ورحمة وسكينة وحب واحترام بين الزوجين، لازم الزوجين يكونو سكن لبعض وداعمين لبعض وبيت أسرار بعض وما يرضون ان واحد فيهم في حال الخلاف ينام زعلان، واهم شي الخصوصية وان أسرار البيت ما تطلع برا البيت، وكذلك الامر بين الأهل والأطفال لازم تكون العلاقه بينهم حب وثقة مو خوف وانا ابي ابني اسرة متينة سليمة وبدون عقد نفسيه وتتبع تعاليم الدين الإسلامي الرفق والرحمة اهم شي، انا اخاف هذي الأشياء الي ذكرتها بسبب بعض العلاقات المحيطة بي لكن خليتها درس اتعلم منه ولا اكرره وبالعكس ان شاء الله راح ابني أسرة احسن وأفضل من الأسرة الي نشأت فيها، بالنسبة لموضوع الإنجاب انا اشوفه موضوع مشترك بين الزوجين مافي احد يقدر يقرره لحاله لانهم الاثنين بيكونون الاهل مو واحد فيهم وبيكونو شركاء فالتربية، حلو التحاور بين الزوجين واصلا الزواج تنازل وتضحيات عشان تستمر الحياة مرة الزوج يتنازل ومرة الزوجة تتنازل مع حفظ كرامة وقدر واحترام كل طرف فيهم، عندي صفة وهي اني حساسة لكن ماهي عائق كبير لاني ارضى بسرعة، وبالنسبة للجمال ف لله الحمد انا جميلة وكثير يشوفوني يقولون هذا الشي هذا من فضل ربي مو تكبر وانا اشوف نفسي حلوة وراضية بنفسي وحابة شكلي ولا افكر اغير فيه واكيد في بنات احلى مني لكنني جميلة الحمد لله وبالنسبة للصفات الشكلية ف انا اعتبر طويلة مقارنة بالأطوال في عائلتي وانا نحيفة جسمي متناسق مو نحيفة عظم يعني،وشعري متوسط الطول وناعم،بالنسبة لموضوع الإنجاب انا افضل اننا نؤخر الأطفال سنة او سنتين بالكثير فقط لاني احس اني ودي انبسط واتونس واطلع مع زوجي قبل العيال والمسؤولية لان بعدهم يختلف الوضع ولكن اكيد الأطفال رزق والي يجي من الله حياه الله، بعيدا عن تخصصي الجامعي انا عندي طموح اني اصير كاتبة واكتب كتب وانشرها فالمستقبل.