Xlile

عزباء سنيه حنطاويه - ونعم بالجميع بس ما فينا عرج اسمر وما نعطي - انولدت وتربيت بالكويت امي كويتية وكل اللي يعرفني ما يصدق اني سعودية كلامي ولبسي وطريقة العيش والوضع المادي.. الخ يعطي هذا الانطباع اللبس: بدل واسعه وبعض احيان عباية اخر اسمي قبيلة - بس شخصيا انا متحضره - موظفة واسوق سيارة، عندنا فيلا ملك ، شخصيتي ايجابية مو نكديه وما احب السلبيين واحب الحياة الحمدلله عيني مليانه احب الخير للناس مثل ما احب لنفسي، ما اهتم الا بالامور اللي تنفعني وتفيدني لي شخصيتي وكياني واقدس الخصوصية مو حيل مع السوشيل الميديا وما اهتم لامور الفاشنستات والبلوقرز مو من اهتماماتي مو مسويه تجميل ولا تكميم ولا اعاني من امراض جسدية او نفسية الحمدلله احب الاجواء العائلية والاطفال ، احب السفر والمغامرات وتجربة الجديد ، صحيح الاكثر يقول عقلي اكبر من عمري بس بداخلي طفلة تحب اللعب والوناسة والضحك - يعني لكل مقام مقال - ما اعرف اطبخ بس احب ادخل واجرب باوقات الفراغ ما امدح نفسي بس بفضل من الله اهلي تعبانين على تربيتي ومحافظة على سمعتي واخلاقي ومن بيئة نظيفة وسمعتنا طيبة ومشهود لنا وهذا احد الاسباب لدخولي هالبرنامج فقط للبحث عن الجاد وبالحلال مهتمة بنفسي من شكل ولبس ومتجددة، طموحة واسعى لبناء ذاتي للافضل، فيني مخافة من الله، دايما احطه بين عيوني، مالي بالخرابيط حتى مراهقتي كانت راكده ومتفوقة بدراستي والحين بوظيفتي.