رجل باغي يعدد

شوفي يا اختي ، انا بصراحة راني ندور على زوجة ثانية ، انا متزوج و عندي ثلاث اطفال راهم كبار ، راني حاب نزيد المرأءة ثانية ، ظروفي المادية متيسرة و حمد لله و تسمحلي باه نفتح بيت ثاني ، انا نخدم دجاج في رزقي عندي باطوار مدبحة لدجاج و نوزع كل صباح دجاج على محلات نتاوعي عندي خدامة يخدمو معايا و مقابل صوالحي ، حاب نزيد مراءة ثانية و زوجتي الاولى علبالها خبرتها بلي راح نتزوج ، معنديش مشاكل معاها هي بدارها لوحدها و حاجة ما تخصها ، و حتى زوجة ثانية راح تكون بسكنتها لوحدها و حاجة ما تخصها ، حمد لله راني شاري سكن ثاني في لفيل و مجهز بكل شيء ، انا بصراحة جاي شوي مدين مانيش سلفي الحق بصح انا جاي مدين شويا ، و انا راه في عمري 50 عام من عين تموشنت