عون_وسند

رجل في الأربعين من عمري ، متزن وواقعي، عارف نفسي، وبعيش حياة مستقرة الحمد لله. بشتغل في مجال الأعمال والهندسة، بحب النظام والالتزام، وشخصيتي بتميل للهدوء والصدق. مش من هواة العلاقات السطحية، ولا اللي بدون هدف. بدوّر على علاقة فيها معنى… شراكة حقيقية، مبنية على الدين والعقل. بحب السفر، التأمل، وعندي ميل للحياة الروحية الهادية. بقدّر الست المتدينة بعقل، اللي مش بتتعصب، ولا بتتشدد، وفاهمة إن التعدد مش ظلم، لكن مساحة للعدل والرحمة لما يتعامل صح. عندي أولاد، وبقوم بدوري كأب بكل حب وعدل. ومش شايف مانع أبدًا أكون أب تاني لطفل أو أطفال محتاجين حضن وسند. أنا مش بدوّر على مثالية، ولا على كمال، لكن بدوّر على ست ناضجة، متزنة، تقدر تبني بيت فيه سكينة، مودة، ووضوح. ويا رب يكون الزواج بينّا سبب في سعادة ورحمة لينا وللي حوالينا.