Je suis CHAHRAZAD khir, 27 ans, de Maroc, à la recherche d'un mari, et mon identifiant sur Mawada est 11023533.

Adhésion premium

Nationalité, Résidence et Statut Familial

أنا بنت كتآمن بأن الزواج شراكة فيها المودة، الرحمة، والتفاهم. انا إنسانة متربية، كنحترم الكبير والصغير، وكنحاول ديما نكون خفيفة الظل وقلبي طيب. الحياء والأدب عندي مهمّين، ولكن ف نفس الوقت كنعرف ندبّر شؤون حياتي بعقل ورزانة. نحب نكون مرآة صالحة، نعاون راجلي ونكون سند ليه، وندير جو ديال الراحة والدفء فالدار. او نحافظ على نظافة بيتي ومظهري، وكنآمن بأن المرأة خاصها تهتم براسها وتكون دايمًا أنيقة ، ولكن بلا تكلف. كما أنني صبورة، وكنعرف نسامح، ونعذر، ولكن ف نفس الوقت كنحترم كرامتي وكنعرف شنو نبغي فالحياة. كنطمح نبني دار عامرة بالحب، والتفاهم، والتقوى، ويكون فيها الاحترام المتبادل بيني وبين شريك حياتي. الصراحة تقال كنشوف انه اللي غادي يختارني، ما غاديش يندم، حيث غادي يلقى فـيا الزوجة، الصديقة، والأم ديال أولادو، وكلشي فـ امرأة وحدة.

الاشياء لي بغيت تكون في الشخص لي كنبحث عليه او بغيتوا يكون زوجي المستقبلي انه يكون راجل بمعنى الكلمة، يكون إنسان كيخاف الله فيا، وكيحترمني ويقدّرني. بغيت يكون صادق فهضرتو، وما يعرف لا الكذوب ولا الخداع، حيث الصراحة هي أساس أي علاقة ناجحة. بغيتوا يكون حنون وطيب، يعرف يسمعلي ويفهمني، ويكون سند ليا فالحلوة والمرة. بغيتو يكون طموح، عندو أهداف فالحياة وكيخدم باش يحققهم، ولكن ف نفس الوقت ما ينساش يهتم بمراتو ودارو. بغيتو يكون راجل مسؤول، يعرف يديّ الأمور بعقل ورزانة، ويكون عندو شخصية قوية ولكن ماشي متسلّط. كنتمنا يكون مثقف، ونقدر نشارك معاه الأفكار والأحلام، ويكون رفيق درب قبل ما يكون غير زوج. وفوق من هاد الشي كامل، بغيت يكون كيحبني بصدق، وأنا نبادلوا نفس الحب والوفاء، ويدّي معايا حياة فيها الاحترام، التفاهم، والرحمة.