Hajar-ii

مرحباً، أنا هاجر، بنت واعية وعاقلة، وموظفة ، أحب شغلي وأشوفه جزء من ذاتي وطموحي، وأؤمن إن الشراكة تبدأ باحترام الطرفين لحياة بعض. أنا مالكية الأصل من الجنوب، وعمري ما كنت زوجة أحد، وما أشوف نفسي زوجة رقم اثنين، لأنّي أشوف الزواج مودة ورحمة وتكامل، مو ترتيب مراكز. تفكيري في العلاقة واضح: الزواج عندي مشاركة حياة كاملة، تفاهم ومودة واهتمام يومي، مو بس علاقة جسدية. العلاقة الحقيقية عندي تبدأ من القلب والعقل، وبعدها تكمل بأشياء أعمق، أساسها الاحترام والصدق. وأؤمن إن الزواج الصحيح يكون مُعلن قدام الناس، بوضوح وشفافية بين الطرفين، مو شي مخفي أو نص علني ونص بالسر. اللي يهمني في الرجل إنه يكون صادق، ناضج، متزن، عارف وش يبي، ويقدّر المرأة كإنسانة مو كوظيفة أو غرض. وإذا ما شفت نفسك تقبلني مثل ما أنا، بطموحي، بشخصيتي، بحياتي، فأرجوك لا تتعبني معك. الزواج عندي قرار كبير، مو بس حماس لحظة. أبي وقت ومعرفة وتفاهم قبل أي خطوة، لأنّي مؤمنة إن العلاقة الصح تبدأ من وعي، مو من استعجال. هذي شخصيتي، فـ إذا انت مو جاد، لا تسألني عن شيء ثاني، ولا تضيع وقتي. أنا هنا للجدية، وللشريك اللي يعرف قيمة نفسه وقيمة غيره