Vera...

أنا مش بضيّع وقتي... وبدوّر على راجل بجد! أنا ست ناضجة، أنيقة، وجذابة بطريقتي الخاصة... من أسرة محترمة، ومكانتي الاجتماعية والمهنية كويسة والحمد لله، لكن الأهم عندي هو الإنسان اللي قدامي، مش بس اللي وراه ولا اللي معاه. قلبي لسه بيعرف يحب... بس بعقلي الأول. مش بحب اللف والدوران، وبدوّر على راجل حقيقي... راجل بمعنى الكلمة. راجل يحتوي، يفهم من غير ما أتكلم، يكون ضهري وقت التعب، وصاحب ضحكة تخليني أنسى همومي. يكون عاقل، لكن مش ممل... حنون، بس مش ضعيف... كريم، وعنده نخوة وشهامة. أنا ما بحبّش المط والتطويل ولا الكلام المعسول والوعود الكتير اللي ما وراهاش فعل. بحب الراجل الواضح، اللي كلمته واحدة، عارف هو داخل ليه وعاوز إيه، وخطواته محسوبة: واحد، اتنين، تلاتة... وعنده نية صافية. بحب أعيش في مستوى كويس، وده حقي، وأستمتع بالحياة. بحب الرفاهية، والسفر، والفسح، والهدايا الحلوة اللي بتفرّح القلب. مش لأني مادية، لأ، بس شايفة إن الحياة الحلوة تستاهل إننا نعيشها بكل تفاصيلها... مع الشخص الصح. ولو لقيت الراجل اللي فيه المواصفات اللي بحلم بيها، عندي استعداد أمشي معاه لآخر الدنيا... حتى لو كان النص التاني من الكرة الأرضية! ملاحظات مهمة عشان نوفر على بعض: لو كنت متجوز وبتدوّر على زوجة تانية، ما تضيّعش وقتك ولا وقتي. ولو شايف إن لازم تحب الأول قبل ما تاخد خطوة جادة، يبقى دوّر على حد تاني عايز يعيش قصة حب... أنا بالنسبالي التفاهم، والارتياح، والقبول كفاية جدًا كبداية نضيفة... والحب بييجي لوحده لما الأساس يبقى صح. وأهم نقطة... أنا ست محترمة وبحترم نفسي جدًا، فـ أي تجاوز مرفوض تمامًا، ومافيش أي تساهل في الحدود دي. وكمان... لا أنا داخلة أغير حد، ولا عايزة حد يغيرني. أنا مؤمنة إن أجمل علاقة هي اللي نتقبل فيها بعض زى ما إحنا، مش نعيد تشكيل بعض على مزاجنا. لو شايف إنك تستاهل قلب ستّ مختلفة، فيها دفء وأنوثة وشقاوة في نفس الوقت... ابعتلي، يمكن تكون أنت البداية.