Hamdy Magdi

شريكة حياتي مش مجرد زوجة… هي سكن وونس وسند، هي اللي لما أبصلها بعد يوم شغل طويل، أرتاح. اللي تصحيني الفجر تقولّي: “قومي صلي وتعالى نقرأ وِردنا مع بعض.” اللي تبقى صاحبة قبل ما تبقى زوجة… ونور قبل ما تبقى أنثى. أنا عايز واحدة: • قلبها متعلق بربنا، مش بتعمل الصح عشان الناس، بتعمله لأنه الأصل. • تحبني بجد، في ضعفي قبل قوتي، وتشدني لطريقي لو تهت. • نضيفة في روحها وأسلوبها ولبسها، مش بتتباهى… بتُريح. • دمها خفيف، تضحكني من قلبها وتونسني من غير تصنع. • تفهم تعبي وتقدّر وقتي، وتشجعني أكمل مش تعرقلني. • مش سطحية، مش عايزة عريس جاهز، عايزة تبني معايا بيت من طوبة لطوبة. أنا شايف شريكة حياتي ست: • بتحافظ على نفسها من جوّا وبرّا • بتحب العِشرة، مش الكلام الحلو بس • تحب تبقى أم، وتحلم تربي أبطال • وتبقى مرتاحة في نفسها، وواعية بدورها وشايفة قيمتها. مش شرط تبقى ملكة جمال… بس تبقى مَلِكة في عيني