Khalid__1552

انسان خضت تجارب الحياة واستفدت منها بمعرفة نفسي وعرفت ان قوقعة الانسان على نفسه تزيده جهل بنفسه ، احب التجربة اكثر من القراءه عنها ، اشوف ان الزواج استثمار يستفيد منه الطرفين خاصة ان علاقاتي هذي الفتره مع ناس بعد ما اخلص الجلسة معاهم طاقتي تكون عاليه جداً ، احب علم النفس التحليلي وامارسه واحب انعزل لحالي واغوص بذكرياتي مره بالاسبوع واشوف اثرها علي وكيف ارجع على فطرتي السليمه بمواجهة المخاوف الغير منطقية، احب اتابع الافلام العميقة بالمعنى واقضي بعض الوقت بـ انتاج الصوتيات والمونتاج للمتعة، لي قرائاتي بالتربية واطمح اني أُنشئ جيل مصلح ومسؤول، اجاهد نفسي كثير لعلي افلح بالدنيا واحب اتمعن بالقرآن وافهمه بعقلي، احب الحوار والنقاش واحب الي يهديني عيوبي ويعلمني بخطاي لاني مابي نفسي تتلون علي وانا ما كشفتها، اعمل بقطاع البتروكيميكال بالجبيل الصناعية ونلت شهادة بكلوريس بالهندسة لكن الى الآن ما تمت تريقيتي على شهادتي، والفتره الاخيره قلت بنفسي الحياة ماتوقف على شهادة، من بعد ما شفت فلم soul صرت استمتع ب اغلب الاشياء البسيطة الي اسويها، بالنهاية انا اللي يهمني انسانه اتوافق معاها واعيش بنسجام وعلاقتي فيها بتكون استثمار مثل ما هي تستثمر فيني، الفتره الاخيرة جالس يبان طريق حياتي لي اكثر واوصل لنسخه افضل مني كل يوم بعد ماكان الطريق ضبابي جداً لكن الحمد لله الوضع كل يوم يتحسن من الناحية الاجتماعية والمالية والاهم من هذا كله علاقتي وصلتي بربي، قد ما اقدر حاولت اكون صادق مع نفسي بكتابة بروفايلي - [ ] انا جداً سهل التعامل ولا احب التعقيد واخذ الامور بسعة صدر وهذا الكلام بشهادة ناس صادقوني القول وعلموني اشياء كثير عن نفسي وصاروا مرايتي - [ ] ماحب الصوت العالي واللجه والصراخ - [ ] فيني نفس طويل للحياه واعيش كل يوم كأنه عمر - [ ] اي قرار يكون نتيجة تفكيري واحاول قد ما اقدر ما استند على كلام الناس لاني بشوف عقلي وين بيوصل وكم بعده عن الحقيقه - [ ] ادخن الڤيب وصارلي ٤ سنين عليه