eng ahmed920

لما كبرت شوية عرفت إن الحب بيجي في المرتبة الأخيرة من أولويات الزواج -الأخيرة مش مجازاً- لأن فيه نقط كتير جداً تترتب قبله التفاهم الإحتواء الإنجذاب -أهم بكتير من الحب إنك تحس إن الشخص لافت نظرك وراضيك نفسياً وعقلياً وجسدياً- الونس وإنك مش زهقان منه مهما طال الوقت تأمنله -على الكلام وعلى أسرارك وضعفك وعلى إنه ميغدرش بيك ويسيبك فجأة- الإنتماء -تحس إن الشخص ده بيعاملك إنك فرد منه وإن فيه صلة بينكم- السند - بتسندوا بعض وتشجعوا بعض وكل واحد بيتمنى للتاني إنه يعلى ويكبر - وأهم حاجة بالنسبالي الاقيها بيطمني وقت ما أكون خايف مش يزود قلقي وتوتري العيوب الـ فيكم بتعرفوا تتعاملوا معاها مش تتغاضوا عنها لحد متتجوزوا ونبدأ مرازيه بالنسبالي كل ده أهم مليون مرة من الحب الساذج الـ ممكن يشدك ناحية حد لا مناسب اجتماعياً ولا خُلقاً ولا مادياً ولا فكرياً 👌🏻 انا محتاج اقابل حد شبهي حد يجبر كسري حد باقي ميعرفش البُعد ولا الخصام حد يعاتب ويسمع عتابي وكلامي حتي لو بخرف في الكلام يكون فاهمني أكتر من نفسي حد حنين ميهونش عليه زعلي مهما حصل ومتخلنيش احتها في مقارنه مع حد👌🏻🤍❤ الحب مش سبب كافي لإننا نكمل.. الجملة دي ادركتها بعد سنين.. - الحب مش سبب كافي لأي حاجة - يافرحتي لما تبقي بتحبني بس مش فاهماني بتحبني بس مش عارفه تخليني مبسوط بتحبني بس مش عارفه تكتفي بيا بتحبني وبينا مشاكل ملهاش حل! ومفيش حاجة اسمها لو بتحبك مش هتعمل كذا وكذا هي مش قواعد. أكتر ناس ممكن تقرفك في عيشتك هما الـ بتحبهم وبيحبوك .. الحب ونقطة مش كفاية ! - التفاهم أهم من الحب، الأمان أهم من الحب، الثقه أهم من الحب، إنك تبقي مطمن إنك مش هيتغدر بيك وتتساب مع أول مشكلة أهم بكتير من الحب إنك تبقي نايم عارف إنك لا هتتخان ولا هتتهان ده أهم من الحب الراحة إنك تبقي مرتاح في طريقتك لا بتتصنع ولا بتترسم ولا في تكاليف علي أسلوبك ده أهم من الحب.. - الحب مشاركة مش امتلاك الحُب إنك تشاركني وأشاركك كل حياتنا سوا "سوا" الإهتمام أهم من الحب، الإحترام أهم من الحب، التفاهم أهم بكتيييير من الحب.. الناس الـ يقدروا يوفرولنا حياة هادية وفيها تفاهم وأمان وراحة هما دول الـ يستاهلو الحب هما دول الـ هنكمل بيهم..