Mohab11

عندي مواصفات أساسية من كذا ناحية وما دون ذلك ممكن أتنازل بعض الشئ، اللي هسرده حالا دي حاجات أساسية لازم تكون موجودة. بدور على بنت عندها اهتمام من الناحية الدينية، مش شرط تكون عارفة كل حاجة بس الحاجات الأساسية، وبتصلي الوقت بوقته وبتطيع أهلها وبتعاملهم كويس وليها علاقة بكتاب ربنا وبترجعله كتير. وتكون بترجع للدين لما يكون فيه مشكلة أو حاجة شاكة فيها مثلا يعني الدين يكون مرجعية ليها من الآخر. من الناحية الثقافية ف انا هحتاج شريكتي تكون دماغها متفتحة للتعليم، بمعنى انها تكون بتحب تقرأ بتحب تتعرف على المعلومات الجديدة، بتحب تقرأ عن علم النفس وعن التربية، يعني بنت تكون بتحب الحركة من الآخر ومتكونش دماغها متحجرة على حاجة معينة. أما بالنسبة للحالة الإجتماعية، لا يشترط حاجة معينة بس لو وضع متوسط هيكون أفضل علشان نكون شبه بعض إجتماعيا ونعرف نتعامل مع بعض. بالنسبة للشكل والهيئة، بميل للبنت اللي مهتمة بصحتها وأكلها وتمارينها ومحافظة على نظافتها ومهتمة بنفسها بطريقة كويسة جدا. اه حاجة مهمة جدا، ياريت ميكونش عندها TikTok