بنت المكلا 40

تعبت من ممشى على غير مشهاي وتعبت من صبر على غير غاية طاحت عزومي لين قلت نواياي وأبعدت من مبدأي صوب النهاية مغير أهوجس واضرب الرأي بالرأي واثر المغربل ما يخلصه راية الوقت ذا هو هو بطبعه وأنياي أنا صدوق وذا زمان الدعاية يالله إن تعاوني على كبر بلواي ويالله أن تقديني طريق الهداية أشكي من الماضي وخوفي من الجاي ولي في ملمات الليالي ذراية لو كنت أعرف دواي ما خفت من داي أخير من طب الطبيب الوقاية سبحان من يعرف مقاسيم دنياي في صفحتن ما تنعرض للقراية إذا غدى وقتي جزوع من حكاي أدوي بهاجوسي على كل ماية فا إلا كسرني هاجسي صوب مركاي فايه جبرني نخوة دموعي أية وأن شفت همي ما نقص من تشكواي إخترت من نطح الهموم القفاية وقت غداً كنه علي أكبر عداي يفرح علي مجمعين الوشاية صادفت صكات الزمن فالأول صباي وصادمت قد شيبي بوجه المراية لا ألين نبات الأرض غارس ورواي وشوك السلم ماخذ على إسمي وصاية أعد غلطاتي واحسب خطاياي لا نيب مندل ولا نيب تاية أيس وتيبس عقب ما أيس شفاياي وأمل وبعض آمال قلبي غواية لا أسوم أنا وجهي ولا أمد يمناي ثنتين تحسب للمذلة لداية بلقي هموم الليالي مقفاي لين أقلب آخر صفحتن للرواية برضى بمقسومي على طية رشاي لا عاد لي شف ولالي هواية ما لي جدي إلا ونة القلب ودعاي وعناية الله ما وراها عناية بسكت وسري ساجنه في حناياي يالين تروي المقبلات الحكاية