مشش عارف ليه

فقط للتنويه ،،، مفيش علاقة بتنجح "من طرف واحد"، ومفيش علاقة حب سليمة فيها طرف بيحب أكتر من التاني، ومفيش علاقة بتكمل وطرف واحد هو اللي مطلوب منه يتمسك بيها لوحده، ومفيش حب بيعيش بين أثنين مابيخافوش يخسروا بعض بنفس الدرجة. سبب دمار العلاقات الأكبر هو ضمان حد منهم لوجود الأخر في حياته للدرجة اللي تخلية مايقدرش قيمة وجوده، والعلاقة اللي مابتمشيش بالتساوي في الأهتمام والحب والعطاء لازم هايجي عليها وقت وتنتهي مهما أستمرت؛ العلاقات اللي بتبقي "من طرف واحد" مرهقة جداً لأصحابها وغالباً بيخرج منها الطرف دة في النهاية خسران كل حاجة.. حتي نفسه !، ومشكلة المشاعر إنها مابينفعش تبقي "إتجاة واحد"، ومشكلة الحب إنه مابيعرفش يعيش لو إنت بتديه لحد ومابيرجعلكش منه تاني، وكل شخص كمّل في علاقة كان عارف إن هو فيها الطرف اللي بيحب وبيهتم وبيدي وبيضحي وبيخاف علي العلاقة أكتر، هو شخص ضحي بنفسه في سبيل ولا حاجة !. تخيل إن الأثنين اللي في العلاقة دول ماسكين طرفين لنفس -الحبل- لو شخص منهم ماهتمش إنه يفضل ماسك بكل قوته الحبل ممكن يسيب من إيديه ويوقع التاني، ونفس الحكاية بظبط مع كل واحد بيحاول يمسك في علاقة حبلها دايب او هو مش شايف فيها الشخص اللي قدامه ماسك معاه الحبل بنفس القوة او بالدرجة اللي تخليه يحس بأمان إن عمره اللي قدامه ما هايسيبه يُقع. خُد بالك من فضلك إن في ناس عايشين حوالينا فاهمين إن الحب هو إن شخص يفضل يديلهم ويحبهم ويضحي عشانهم بلا اي مقابل منهم، وفي ناس حتي الكلام الحلو والتعبير عن المشاعر بيبقي من طرف واحد وبيحرموا الشخص اللي معاهم من أبسط كلمة حب او شكر اللي هي أقل حاجة ممكن يقدموها مقابل كل الحب اللي بيسقبلوه دة، والأعجب إن في ناس منهم بيبقوا هم مش كدة مع بقيت الناس التانية في حياتهم لكنهم بالغباء والأنانية الكافية اللي تخليهم كدة بس مع اللي بيحبوهم. حتي في أوقات الزعل والبعد بتبان أكتر العلاقة اللي "من طرف واحد" اللي بيبقي فيها طرف هو دايماً اللي بيصالح وبيعتذر وبيكبر دماغة وبيجي علي نفسه وبيقدم تضحيات وبيطبطب وبيحايل وبيسامح وبيتحمل الأخطاء حتي لو مش هو اللي غلطان او هو صاحب الحق المجني علية، والطرف دة هو اللي شايل -مُهمة- الحفاظ علي العلاقة دي لوحده وهو اللي مطلوب منه يثبت تملي حبه للتاني ..بأية ؟! بأنه يجي علي نفسه طول الوقت !؛ ومع الوقت الطرف دة طاقته بتخلص وقدرته علي كل ما سبق بتنعدم لإنه بني أدم مع الوقت هايمّل من اللي بيعملوا ومابيخدش قدامه شئ، و -نفسه- اللي عمال بيجي عليها هاتيجي في لحظة وهي اللي هاتقف قدامه وقدام الحب دة والعلاقة دي وهاتمنعه وهاتمّوت الحب غصب عنه، وهايجي في مرة علي إتفه سبب وهاسيب الحبل من إيده، وفي النهاية الشخص دة بيوصل إنه يرفع شعار "كان فية وخلص" عشان هو بيبقي خلص فعلاً. صحيح العلاقات اللي "من طرف واحد" دراجات لكن فيه منها اللي بيوصل لمرحلة باسميها علاقة "الأناني والعبيط".. واحد بيدي كل ما يملكه من مشاعر وحب وأهتمام وبيحُط كل حياته وروحه وقلبه بمنهتي الطيبة والحب وحسن النية في أيد الشخص التاني وبيستخدم دايماً كلام زي "معلش" "أصلي بحبه هأعمل اية"!..، وقصاده الناحية التانية في طرف بياخد بس بمنتهي الأنانية وعدم التقدير ويمكن يكون مايستاهلش اللي بياخده دة ولا يستحقه. أسمعني أرجوك.. ماتخليش حد يستنفذ طاقتك ويستولي علي مشاعرك وحياتك وقلبك وكل ما فيك بأسم الحب وهو مابيثبتلكش الحب دة في كل لحظة ومع كل موقف، ماتقدمش حب وأهتمام وتضحية وإنت م دة في المقابل زي ما بتديه، ماتضحيش بنفسك قصاد إنسان هو نفسه بيفكر في نفسه وبس، ماتخليش حد يضمن بقائك في حياته فايستحل يجي عليك ويهمل شعورك ويتجاهل مشاعرك ويعدي فوق كرامتك كأنه ماعملش حاجة، وملحوظة.. اللي بيحب حد فعلاً بيحافظ علي كل دة ويقدره من غير ما حد يقوله، علاقة الحب مسؤلة من الأثنين وبيشيلوها سوا فمهما حاولت تشيلها لوحدك لازم في يوم هاتُقع فوق دماغك، سعادتك وعمرك وحياتك اللي بتاخد منهم عشان تدي حد مابيحبكش او مش عارف يحبك هاتحاسب عليهم إنت لوحدك في الأخر، المشاعر ليها -رصيد- زي الفلوس لو فضل اللي قدامك ياخد منها من غير ما يحُط فيها هاتخلص ولو إنت اللي بتديله من غير حساب ماتزعلش بقي لما يسرق منك كل حاجة ويطلع يجر إننا نكمل مع حد او لأ، تخيل لو قدامك بحر ووراك قطر وفي الحالتين إنت هاتموت !، لوإستنيت مكانك القطر هايدوسك إكيد، أما لو نطيت في البحر في أمل ولو بسيط إنك تحاول تعوم او يمكن تلاقي مركب معدية تنقذك وتعيش، صحيح الأختيار بين القطر والبحر بيبقي أسهل عند ناس من ناس تانية حسب العلاقة وظروفها وقدرة الشخص نفسه علي الأختيار لإنه في النهاية هو "قرار".ج أسمعني أرجوك.. ماتخليش حد يستنفذ طاقتك ويستولي علي مشاعرك وحياتك وقلبك وكل ما فيك بأسم الحب وهو مابيثبتلكش الحب دة في كل