مزامير الحنين

بسأل عليك حزن الشفق وقت الخيال ينعس ينوم يتوسد احلام الافق ورعشة الليل الطويل آهة الشوق والارق بسأل عليك لما السؤال يصبح سفر بلقاك في فيض الاماني الذايبة في رنة وتر في لمحة الطيف اليعربد مرة بالخاطر عبر ورعشة الامل اليفوح يتلاشى زي لون السحر مطوية في حضنو المسير مخفية في صدف البحر بسأل عليك في زحمة التيه المحاصر بالفراغ في صحية الوعي المخدر في جبين الكون ضياع في غربة الشجن المعذب ورهبة الخوف المشاع بتجيني في وجع الحروف اليأسة تشرب من انينا في شارة الالم البتكبر الجاية من اغوار دفينة مكسية بي لون الشفق مشحونة من طرف المدينة بسأل عليك لا ما ملت اشواقي السؤال .. والكلام دا ليك ياجميل وانا عارفك .. حنينة وراسية وانيقة وبسيطة .. اعلم صفاتك وكمان كلامك لفتتك ونظرتك حانية و ثقيبة نابعة من قامة روعتك .. وبسمتك رسمة من الحان عالمك .. كما اراك انسانة رائعة ولا اقول جميلة ولكننى اقول صاحبة اطلالة حلوة .. فاذا كنت نحيفة القامة او رفيعة البنية .. خفيفة الظل مشاكسة يسكن دواخلك الخجل .. تمتلكين شيىء من ردة الفعل لاتعرفين الانانية والضجر متصالحة مع نفسك محبة للخير والدين والاهل متفائلة .. فانت بنت اصول وبنت رجال فانا اتشرف بلقائك وبداية المشوار .. ونسبة لاننى متعجل فى هذا الامر -فيفضل - بان ان تكون من ولاية كردفان او الجزيرة او الخرطوم -عطوية- عشان نتفكا من حتة انت من وين والتحقيقات العرقية السخيفة وعطوية دى للمستلبات ثقافيا تعنى -مسيرية او حازمية او تعايشية او رزيقية او حميدية- .. وهذا ليس شرط بقدر ماهو محاولة منى لتسهيل الامر او البحث لانة وللاسف فقد اتضح بان كلمة سودانية وبس لا تكفى ؟ .. وانا مش بحب اللف والدوران والتنظير والفلسفة .. انا عايز اتلما وخلاص .. فمن ترى بان هذة المواصفات تناسب 80% من مواصفاتها لا تترد فى اضافتى حتى استطيع ان اتواصل معاها وانا جاهزز لاى استفسار او اى تساؤول .. وربنا يوفق الجميع بازنة تعالى .. ..