بنتى نور عينى#

بتمنى يكون انسان متدين محافظ على صلاته بيتقى الله فكلامه وافعاله عفيف اللسان لا يسب ولا يشتم ولا يتكلم ف امور غير لائقة تغضب ربنا. يكون حنين جدا جدا متفاهم هادى مش عصبى عنده تحمل للمسؤولية سند بمعنى الكلمة يعينى على طاعة ربنا وناخد بإيد بعض للجنة .يحب بنتى ويخاف عليها ويراعيها ويكون سند ليا ف تربيتها ويتقى الله فينا بالنسبة للسن يكون من 34 لحد 41 اكبر من كده مش هينفع لان كل ما زاد فرق السن زادت الفجوة والخلافات وعدم التفاهم بين الزوجين الوظيفة اى شغل محترم يقدر يفتح منه بيت وميبقاش محتاجين لحد مش طالبة مهندس ولا دكتور ولا عالم ف الطاقة النووية ولا يفرق معايا انك تكون شغال برة مصر حتى لوبتقبض بالدولار مهما كان مستواك المادى عالى فمش ده طلبى ولا ده اللى بدور عليه انا بدور عاللى هيحسسنى بالأمان والراحة والسعادة واللى يفرق معايا طبعك وأخلاقك وحنيتك وانك تكون فعلا بتخاف من ربنا وتتقى الله فمعاملتك ليا وفى فترة التعارف تتكلم بأدب واحترام وتعرف ان ربنا رقيب عليك ولو كنت مريت بنماذج ستات مش محترمة او بتدور عالحرام فده مش طبعى ولا تربيتى ولا اخلاقى وهيبقى مصيرك البلوك ربنا يوفقنا للخير جميعا أن شاء الله ملحوظة اخيرة بالنسبة للتعدد مرفوض اى راجل متجوز ميبعتليش لانى مش هقبل بكده انا مقيمة ف محافظة اسوان عايزة عريس يكون ف المحافظة نفسها وممكن اتنقل للعيشة ف القاهرة او اسكندرية فقط لا غير مش هقدر اعيش ف اى مكان تانى غير دول . بالنسبة للناس اللى مسافرة برة مصر انا ظروفى مش هتسمح بالسفر وده غصب عنى عشان بنتى ابوها رافض سفرها تماما وانا مقدرش افرط فيها ابدا فلو هيبقى عندك إمكانية تأجرلى شقة ف اسوان مفيش مشكلة إنما لو محتاج مراتك تسافر معاك فأنا مش هكون مناسبة ليك فمفيش داعى للاحراج وربنا يبعتلك الأصلح والافضل منى يارب اى حد يبعتلى اعتبرني اختك اعتبرني اختك اعتبرني اختك نتعرف باحترام ولو محصلش قبول نتفارق باحترام وذوق .مبحبش للانسان اللى يتكلم ويتعرف ويختفى فجأة او يعمل بلوك بدون اى اعتذار لانه ده تصرف جارح وقليل الذوق جدا جدا الجواز مش بالعافية مفيش واحدة هتقدر تجبرك تتجوزها طالما مفيش قبول والقبول ده بتاع ربنا اكيد لكن عالاقل خليك صريح وواضح ف رايك وأنهى التعارف بطريقة متجرحش بيها مشاعر اللى قدامك ولا تكسر خاطره وتحسسه انه وحش او قليل فنظرك .راعى مشاعر بنات الناس عشان ربنا يبعتلك اللى يراعي خاطرك اسفة انى كتبت كل ده بس انا حبيت اوفر عليكم تضييع الوقت واللى يبعت يبقى عارف ظروفى وطبعى وشخصيتى بمنتهى الوضوح والصراحة