ابراهيم العائلة

السلام عليكم في البداية أنا لست كاملاً،،، أنا إنسان اخطي واصيب. محافظ على صلاتي شخصيتي إجتماعية وعلاقاتي واسعه - متفائل في أحنك الظروف - أعشق الشخص المتغاضي وأحب المزح والكشتات والصيد والسفر بس ما يحصل دايم،،، مرتاح بحياتي وينقصني زوجة تكون ملاذي وراحتي إذا رجعت للبيت بكلمتها ونظرتها وأنسها واكون لها السند والأمان باذن الله و تحترم زوجها وتقدر تعبه ا وتكون قدوة لأبنائها في ذلك انا موظف مدني على المرتبه السابعه الظهر وقت راحتي بالبيت وعندي مزرعه العصر شبه رسمي هناك وعايش على مقولة اصرف مافي الجيب يأتيك مافي الغيب المغرب قهوة البيت وبعد العشاء عندي مجلس بالمزرعه نجتمع مع الأصدقاء والفلاحين ، و النادي ٣ ايام بالاسبوع عندي الوالدة ساكنة معي عمرها ٦٥ حياتها مع القرآن والصلاة تختم كل اسبوع قبل سنتين جتها جلطه دماغيه صارة ما تتكلم واجد وتنسى بعض الأحيان الأحداث القريبه والروتينية علشان كذا جبت لها خادمة تقوم بخدمتها ومتابعة علاجاتها تسعدها طلعه بسيطه نفسيتها زينه الحمدالله ولا تعرف الزعل ولله الحمد بكل اختصار هي ما تحب النقاشات ولا الجدال تحتاج احد يعطف عليها ويداريها بالكلام الطيب يعني الي عنده ذكاء اجتماعي راح يملك قلبها لانها بسيطه جداً هذي هي حياتي بكل اختصار والي تبي تدخلها اكيد راح يكون لها اثر إيجابي علينا وعليها ولها حقوق مثل زيارتها العائليه الأسبوعية واذا عندها عمل نعين ونعاون قدر المستطاع مادام انه تشوفه حلمها ليش لا اهم شيء يكون فيه توازن للبيت والعمل لاني مؤمن ان البيت اهم من المدرسه للأبناء والأم هي المدرسة الحقيقية والمدارس تكمل ما تصنعه الأمهات والآباء ولا يعني ان الاب ليس له دور ولكن هو وقت الصعايب موجود