قصيمية. بالرياض

يا حي الله من قرا، ويا حي الله من دخل بنية زينة وقلبه نظيف، والله إني ما جيت هنا ألعب ولا أدور دراويش الكلام ولا ذباحين الحروف، أنا جيت أحط قدام الناس طلبي بكل وضوح وصدق، وما أستحي من طلب الحلال ولا أتهرب من إن قلبي يبي سَكَن، أي والله، يبي سَكَن، ما يبي رجل بس يجي ويكتب اسمه في دفتر العائلة ويروح، قلبي يبي رجل يسكن له، يسنده، يسمعه، يحنّ عليه، يعرف وش معنى "زوج"، ويفهم ليه ربي سبحانه قال: ﴿لِتَسْكُنُوا إِلَيْهَا﴾، ما قال لتأمرونها أو لتسيطرون عليها، لا، قال تسكنون، والسكن ما هو بهين، السكن هو إنك تلقى مكانك بقلب إنسان، وتحس بالأمان وإنك مو وحدك. أنا وحدة عشت وتربيت ببيت قبلي، وأعرف معنى الأصل، وأفتخر إني من بنات القصيم ومن عائلة معروفة بأصلها وفصلها، ما جيت من فراغ، ولا جايه أمد وجهي لأحد ما يستاهل، أنا من أهل طيبين، ومن نبتٍ زين، ولا أرضى لي إلا الطيب، وربي ما يختار لعبده إلا الزين إذا صدق النية، وأنا نيتي صافية، والله يعلم بالنيات، وأقولها من صدق: أبي زوج، نعم، أبيه، ومو أي زوج، أبيه مثل اللي يوصي به نبينا محمد ﷺ لما قال: "خيركم خيركم لأهله"، أبيه خير، خير كله، مو بس خير قدام الناس، ولا خير بالمظاهر، أبيه رجل قد الكلام، رجل إذا قال فعل، وإذا وعد أوفى، وإذا غضب ما أهان، وإذا حبّ ما نقص، أبيه رجل يعرف معنى الرجولة قبل لا يلبس الثوب والعقال، يعرف إن الرجولة ما هي صوت مرتفع ولا قرارات متسلطة، الرجولة عقل ورفق، حنية ومروءة، شهامة وكلمة طيبة، أبيه يشبه نخوة العرب الأُول، يوم كانوا يقولون "الرجال تِنعَرَف بالمواقف، ما هي بالأشكال"، وأنا أقولها بعد: تِنعَرَف الرجّال بالرحمة، وبتحمّل المسؤولية، وبالستر، أبيه يسترني ويستره الله، ويحبني ويحب له الله. ترى ما أدوّر الكمال، لأن الكمال لله وحده، وأنا بعد مو كاملة، لي عيوبي، مثل خلق الله، لكني صادقة، نية بيضاء، حريصة على بيتي وديني وأهلي، وإن دخلت حياة أحد، أدخلها كاملة، بحبي ووقتي وتفكيري وحتى دعواتي، لأني ما أعرف أكون نصف، ولا أبي أحد يعطيني نصفه، أبيه يكون لي كله، وأكون له، أبيه يفخر فيني ويفرح بوجودي، وأفرح بضحكته ونجاحه، ونبني بيت مليان حياة، مو مليان جدران بس، أبي إذا رجع من عمله، يلقى بيته شمعة، وسلام، وأمن، ما يلقى نكد ولا صياح ولا أبواب تنقفل، أبيه إذا تمرض، أكون سنده، وإذا ضاق صدره، أكون له الفرج بعد الله، وإذا تعب، أكون له مساند، وإذا غلط، أكون له عذر، وإذا زعل، أكون له رضا، أبي أكون له بيت وقلب، وهو يكون لي ظهر وظل. وأبي أقول إن الرجل إذا اختار زوجته، يختار شريكة طريق، ما يختار موظفة تشتغل تحت يده، ولا خدامة، ولا ظلّ، يختار إنسانة، لها عقل، ولها راي، ولها كيان، أنا مو بنت تنشرى، ولا أنعرض بالصور والمقاسات، صح إن الطول والوزن أرقام، بس الروح هي اللي تعيش، وأنا طولي ١٦٦، ووزني ٧٠، وحنطية، وجامعية، ومثقفة، وأحب الترتيب والنظافة، وأهتم بتفاصيلي، بس أهم شي قلبي، واللي يهمه المظهر بس، ترى المظاهر تخدع، وتبلى، وتذبل، وأنا أبي اللي يشوف روحي قبل وجهي، يسمع سكوتي قبل كلمتي، يحس بنبضي حتى لو سكت. أبيه رجل من ٣٠ إلى ٤٣، عاقل، مو مراهق، ناضج، يعرف يفرّق بين الجد والهزل، مو كل مشكله توديه للمجالس، ولا كل زعل يفتش عن بديل، أبيه يصبر، ويصلي، ويتوكّل، ويعالج أموره بصدر وساع، أبيه يعرف يقول آسف، إذا غلط، ويقول شكراً إذا أسعدته، ويقول أحبك بدون ما يستحي، ترى الكلمة الزينة تبني عشرة، مثل ما السُكوت يهدمها، أبيه ما يبخل عليّ بشي، لا بوقت، ولا بكلمة، ولا بابتسامة، حتى الدعاء أبيه يدعي لي، مثل ما بدعي له. الدين عندي ما هو بس شروط وخانات تتعبى، الدين هو الخوف من الله، والمعاملة، والرحمة، والسجود اللي يغيّر القلب، أبيه مصلّي، ويوقّر ربه، ويحفظ غيبتي، حتى لو سافرت الدنيا بينّا، أبيه يدور الحلال، ويكره الغدر، وما يمد عينه على بنات الناس، أبيه إذا مر من قدام الحرام، يغض بصره، لأن اللي يغضّ بصره عن الحرام، الله يفتح له بركة في الحلال، وأنا أبيه يلقاني حلال، وأكون له طهر وأمان. وإذا هو متزوج من قبل أو مطلّق، عادي، ترى مو عيب، بس يهمني يقول لي كل شيء، ما يخبي، ما يلف ويدور، لأن الكذب بداية النهاية، وأنا أبي بداية ما فيها غش ولا خيانة، حتى لو عنده عيال، بس يكون قد المسؤولية، وعادل، ويعرف شلون يوازن، ما يظلمني عشان غيري، ولا يظلمني ويقول "علشان أمي" أو "عيالي"، التوازن هو الحكمة، والعدل هو أعظم ما يكون. وأقول له، إذا قريت هالكلام وحسّيت إنه كثير، أو إن اللي أطلبه واجد، خله، خله، لا تتعب نفسك، ولا تزعجني، لأن اللي ما يقدّر الكلام الطويل هذا، ما راح يقدّر قلبي، وأنا قلبي غالي، ولا أبيه إلا بيد اللي يعرف قيمته، أما اللي يمرّ مرور الكرام، ويمد عينه عالسطحيّات، والله ما هو لي، ولا أنا له. أنا أبي رجل، رجل، لا يتبد