Esraaorginal

ماتتطلبش من الي معاك تكون زي السيدة عائشة او السيدة خديجة .. الا لو انت كمان فيك من سيدنا محمد .. طب سيدنا محمد كان بيعامل زوجاته ازاي؟؟ بيحترم_أهلها_أوي .. عمرو بن العاص جيه مره لسيدنا محمد فسألوا -أي الناس أحب إليك يا رسول الله- فسيدنا محمد رد قاله -عائشة- قاله -طب مين من الرجال؟- سيدنا محمد رد قاله -أبوها..- بيحترم_غيرتها_جداً .. السيدة صفيَّة -أم سلمي- جابت أكل لسيدنا محمد و أصحابه .. فسيدنا محمد سألهم -مين الي جاب الأكل- فالصحابة قلوله -أم سلمي- فالسيدة عائشة مقدرتش تخفي غيرتها فمسكت الطبق كسرته .. متضايقش و قالها إزاي تعملي كده و لا إتعصب عليها و قالها لا أنا محبش الي تخنقني بغيرتها.. بص للصحابة و قالهم -كلوا.. غضبت أمكم غضبت أمكم- .. و خد طبق من عند السيدة عائشة و إداه لـ السيدة صفية -أم سلمي- .. بيدلعها .. كان بيقول لعائشة عائش كـ دلع .. -يا عائش يا عائش هذا جبريل يقرئك السلام- .. و كان أوقات بيقولها يا حميراء .. و الحميراء يعني بيضاء .. :- بيساعدها_في_شغل_البيت .. سألوا السيدة عائشة رضي الله عنها ما كان رسول الله صلى الله عليه وسلم يعمل في بيته؟ قالت: كان بشرًا من البشر، يخيط ثوبه ويحلب شاته ويخدم نفسه.. رواه الإمام أحمد .. -يعني كان بيخيط لبسه و بيخدم نفسه .. مكنش سي السيد لو إنت مفكر إن دي الرجولة .. :- بيتحمل_عشان_سعادتها .. دخل أبو بكر على النبي صلى الله عليه وسلم و هو متغطَّى، وفي بنتين صاحبات عائشة بيضربوا بالدُف أمام عائشة .. فـ أبو بكر إستنكر ده، فرفع النبي الغطاء عن وجهه وقال: دعهما يا أبا بكر، فإنها أيام عيد .. سيبهم يا أبو بكر دي أيام العيد و هو شايف عائشة مبسوطة :- مقلهاش ما بس دوشة بقي عايز أرتاح.. بيشاركها_الفرحة .. السيدة عائشة كانت بتبص علي الحبشة و هما بيلعبوا بالسيوف .. فجيه سيدنا محمد و حاوطها عشان تتفرج براحتها و هي مطمنة .. فسيدنا عمر بص للحبشة كده عشان يوقفوا لعب .. فسيدنا محمد قالوا -دعهم أمناً بني أرفدة- يعني خليهم .. عائشة في أمان ☺️وشوف الذوق في المعاملة كان لما يحب يقوم .. مايقولهاش يلا.. كان يكتفي بس بالوقوف .. فهي تفهم إن خلاص كده .. فهي الي تقوله يلا نمشي؟؟ عشان تكون هي الي حبت تنصرف .. الله :-- صلي الله عليك و سلم حبيبي يا رسول الله .. مش بيقولها ما يلا بقي بلاش وجع قلب .. بيقبل_مناقشتها .. عن عمر بن الخطاب قال: صخبت علىّ امرأتي فراجعتني، فأنكرت أن تراجعني! -بمعني سيدنا عمر إتعصب علي مراته فناقشته .. فهو إستنكر ده .. -إنتي إزاي تناقشيني- فقالت: ولم تنكر أن أراجعك؟ فـ والله إن أزواج النبي صلى الله عليه وسلم ليراجعنه فلا يغضب.. -ما زوجات سيدنا محمد بيناقشوه و مابيضايقش- .. بيديها_حقها_وقت_الزعل .. مش بيقولها خليكي لاوية بوزيك كده إتفلئي .. زعلت عائشة من النبي صلى الله عليه و سلم فقال لها: هل ترضين أن يحكم بيننا أبو عبيدة بن الجراح؟ فقالت: لا هذا رجل لن يحكم عليك لي -يعني.. لاء الرجل ده عمره ما هيوقف في صفي قدامك- قالها: هل ترضين بعمر؟ قالت: لا.. أنا أخاف من عمر.. قالها: هل ترضين بأبي بكر -أبيها-؟ قالت: نعم!! :- صلي الله عليك يا حبيبي يا رسول الله :- بيساعدها_علي_التواصل مابيقطعهاش من شجرة و يقولها ماتكلميش دي و دي .. بالعكس كان بيود صاحبتها عشان بتحبهم .. كان رسول الله صلى الله عليه وسلم إذا ذبح شاة يقول: أرسلوا بها إلى أصدقاء خديجة .. كان لما يدبح بيقول إبعتوا لأصحاب خديجة .. :- التودد_وقت_الحيض في رجالة يا جماعة بيبعدوا عن مراتتهم وقت الحيض .. بيقرفوا .. عارف سيدنا محمد كان بيعمل إيه؟ السيدة عائشة رضي الله عنها بتقول كنت أُرَجِّلُ رأس رسول الله صلى الله عليه وسلم -يعني بسرحله شعره وأنا حائض..- و كان رسول الله صلى الله عليه وسلم يتكئ في حجري وأنا حائض .. سيدنا محمد كان بيتودد لمراته و هي في فترة حيضها .. معاها في كل ظروفها .. مش حلوة في صحتها بس .. :- بيفضلها_عن_نفسه .. قال الرسول صلى الله عليه وسلم: "أطعم إذا طعمت وأكس إذا اكتسيت" -يعني لو هي أكلت كإني أنا أكلت و لو إتغطيت و إتدفيت أنا متدفي- بيقف_جنبها_في_مرضها .. عن عائشة رضي الله عنها قالت: كان صلى الله عليه وسلم إذا مرض أحدٌ من أهل بيته نفث عليه بالمعوذات ورقاها بيديه .. -يعني يحط إيده علي راسها و يقعد يقرالها الموعذتين :- بيلعب_معاها .. و إنت طول النهار قالب وشك و مقلضم .. سيدنا محمد قال لعائشة تعالي نتسابق .. فإتسابقوا فسابها تكسب .. و بعدين جت عليها فترة زادت شوية في الوزن .. فقالها نتسابق .. فإتسبقوا .. فسبقها .. فقعدوا يضحكوا و قالها -تلك بدي- .. يعني واحدة بواحدة :- بيسيبها_تتزين .. عن جابر قال: "كنا مع رسول الله صلى الله عليه وسلم في سفر، فلما رجعنا ذهبنا لندخل إلى بيوتنا فقال: أمهلوا حتى ندخل ليلا -من أجل أن يصلح الن