Ali io31

انا انسان ضعيف نحوس على امراة تقويني، مقصر نحوس على امراة تعينني على امر ديني واخرتي، نحوس على طفلة تكون ام لاولادي ويجي نهار يقولولي شكرا انك عرفت تخير لنا امنا، و الزواج يحتاج النية الطيبة، لانو اذا ربطناه بحاجة تع جمال ولا مال بمجرد اروحو تروح البنة، لكن لما نربطوه بحاجة أسمى هكاك ابارك فيه ربي وكل يوم يزيد يحلى اكثر، انا اعرف انو اغلبية البنات ميهمهومش الكلام هذا كامل، يهمها واش عندك واش تخدم واش راح تستفاد منك، انا منلومش حتى واحد على النظرة تاعو على كل حال وكل انسان حر سواء رجل او امراة، لكن واش نقدر نقول انو حوسو على الأصل والخلق والناس لي تحشم وتخاف ربي، لانو قادر يكون اغنى رجل ويسكنك في قصر لكن اذلك ويهينك ويعيشك عبدة عندو، ميعنيش انو لي عايشين في قصور عبيد حشى، باش متقولوش لي موصلش العنب اقول حامضين، لكن المقصود انو اذا لقيت راجل بمعنى الكلمة راك لقيت كنز، ونفس القصة مع لي يلقى امراة، لانو مثلا قادر تصرف ملايين تجيب طفلة تشربلك لمرار، يعني كانك شريت المرض بيديك، ربي يرزق كل واحد على كل حال