عين من الناس

اكتب عن نفسي من باب الجدية وحفظ الوقت واسأل الله التوفيق والخيرة، مستعد بالتقدم خلال أسبوع كخطبة في حال الاتفاق المبدئي -طبعاً تحديد المدة يعتمد-.. وسطي التدّين رسمي التعامل مع الآخرين وعلاقاتي محدودة واختارهم بحرص ، هادي أسامح واكضم ولاكن مانسى الاهانة والتجاوز ، ما أفضفض كثير أحيان اسولف باستفاضة ومرات لا ، أستشير كثير لأكن أحيان اذا مقتنع بفكرة انفذها ، أتحمل مسولية قراراتي أراعي الدين في كل أمور حياتي وأحب الخير ومساعده المحتاج ، احب الطبيعة بر وبحر والشتاء واللحم ، أمارس الرياضه بين فترة وأخرى ، افضل سفر السياره على الطياره ، عندي طموحات وأميل للتعلم المستمر والتثقف وانقليزيتي مستوى B1. اسكن بشقه لدى والدي بنيتها أنا وعندي منزل تحت الإنشاء ممكن يخلص بعد سنه، فيما يخص السكن تضعين ف بالك قد نسكن جميعاً فيه أو في إيجار حسب الاستطاعه أو شقتي السابقه إذا وافق الشايب ، وضعي المادي يعتبر دخل محدود وجاهزيتي للزواج لو بعتمد على جهدي ليست قبل سنتين اكثر أو اقل بقليل ولاكن قد يشاء الله انه بعد شهر كونه المدبر والرازق؛ ف لابد من خطبة سواء بفترة قريبه أو بعيده بعد الاتفاق المبدئي -ذكرت سابقاً بانه يعتمد..؛ بافتراض أني محظوظ وفيه بكر صغيرة السن تدرس لسى ف ممكن ماتبي إلا بعد الدراسه وهكذا ويختلف عن أخرى مطلقه اربعينيه وماعندها مايشغلها -مجرد إيضاح ولايوجد تفضيلات- .. لابد البدايات الصحيحه لمشروع زواج ناجح وبمايرضي الله . رجال غيّور ولا اقبل كشف الوجه ومستحيل اشك لانه مرض وبداية نهاية . موضوع الخطبة ، أمي بنسبة كبيرة لن تتقدم لخطبتك لعدم اقتناعها بقراري وهذا أحد أسباب دخولي البرنامج، يامي مولدي وحياتي بمنطقة الرياض واستقراري بمدينة الرياض ، اقبل بكل صور الزواج مادام شرعي وعلى سنة الله ورسوله .. لا أمانع القيادة ولست ضد التعلم والوظيفه ولاكن الأفضل أنا اصرف عليك واتكفل بأمورك ولاكن مشكلتي مع بيئة العمل المختلطة هذي أتمنى ماتكون خيار إلا إذا في ضرورة أو احتدينا عليها..، أتمنى الصوره واضحة قدر الإمكان عنّي واقبل التغيّر والنقد إذا الطرف الآخر يستاهل . ويشهد الله أني تصدقت عمن مرت ودعت بصمت. بالتوفيق للجميع ونسال الله القبول.