As2024

في نسخة وحشة جدا منك لقيت نفسك بتتعامل بيها مع شخص ما... ونسخة حلوة جدا منك لقيت نفسك بتتعامل بيها مع شخص تاني... في الحالتين انت نفس الشخص، لا عندك فصام ولا عندك اضطرابات في الشخصية، ولا عندك أي مشكلة... بس في الحالة الأولى انت اتعاملت مع شخص صعب، جاف، ماكنش بيقدرك، ضغط عليك، قلل منك.....لحد ما نسختك السيئة طغت عليك وبقت انعكاس لمعاملته ليك.. وفي الحالة التانية انت اتعاملت مع شخص لطيف، لين، عاملك بتقدير، ريحك، رفع مكانتك...لحد ما نسختك الحلوة اتحكمت فيك وبقت انعكاس لمعاملته ليك... الحكاية ببساطة...لو حد عايز يشوف النسخة الحلوة بتاعتك يبقى لازم هو يقدم السبت، لازم هو اللي يعاملك بأفضل طريقة ممكنة... عمر انعكاس صورتك ما هيبقى واضح ونضيف إلا لو المراية اللي قدامك نضيفة وبتلمع...!!