لقد هرمت

الحته دى من الصعب تملاها لكن البى تعجبنى بضيفه والبعجبه تضيفنى وبعد داك طبعا عندى شروطى الاساسيه واهم شى تكون سودانيه لم يسبق لها الزواج وشماليه يعنى من حلفا لى شندى مانمولى ياحليل نمولى والقصه ما قصه عنصريه بس قبائل الشمال بيناتم عوامل مشتركه كتيره انا بعتقد انها سبب من اسباب نجاح الزواج وانا ما عندى استعداد ادخل فى زواج ممكن يفشل الرجاء اقرأن كلامى ده كويس وافهمن مابين الحروف ولن ايأس ولن استسلم وساظل ابحث عنك مدينه مدينه حله حله شارع شارع بيت بيت زنقه زنقه --- الى الامام الى الامام عروسه عروسه - جننا بليلى --- وجنت بغيرنا--- واخرى بنا مجنونه -اكيد شينه- بالمناسبه الموقع ده كلو كده واحد يختار واحده من مواصفاته ويضيفه لقائمه الاهتمام وهى تختار واحد تانى من وضعو الاجتماعى واحيانا من وسامتو طول وبياض واحيانا من وضعوا المادى --وبرضو هو يكون مهتمى بى حاجه تانيه والتى اضافتو تتحقرق وفى النهايه تزهج تقول كدى النرجع للبصله تلقى البصله زاته حرقت ما برضو النار مولعه فيها وما لاقيه ليها زول يسوطه ---وبالنسبه للذين اتزوجو من الموقع ده ديل والله ناس قنوعين راجل عاوز مره بت ناس وترضى بيهو وهى كذلك --اما خلاف كده مافى زواج - بالمناسبه انا الكلام الكاتبو فى ملفى ده عارف مافى واحده تقراهو وتقبل على تانى وانا قاصد وفى الحقيقه انا اروع من كده وواثق من نفسى لابعد الحدود وطموحى بلا نهايه- لكن فاتكم القطار فاتكم القطار فاتكم القطار---