تعب قلبـي 7

نجح الغرب بتقنياتهم وتطورهم العلمي بالهاء المرأة المسلمة عن العبادة والسمو بالاخلاق من خلال ايهامها بالزواج الالكتروني وغيره وفعلا الخطة نجحت بدليل نشوف الغالبية همهم المودة اكثر من اي شي ثاني فصارت بلاوي خاصة بين المراهقات لو كل شخص استغل وقته بشي ينفعه جان شفنا ابداعات واختراعات -- بس لا حياة لمن تنادي -- دراسات عالمية تحذر من الجرائم الالكترونية واكثرها جرائم اخلاقية جنسية - وهني الكل فرحان ومبسوط خاصة البنات مبسوطات من كثرة الرسائل اللي تجيهن من الشباب ؟ راح اقول لكم سر لا تخبرون حد - الاعزب والمقبل على الزواج ما يدور زوجة في النت صدقوني -- بدليل اخوج او ولدج بدورين له زوجة بين الاهل والا في النت -- هني اكثرهم متزوجين وناس يبون علاقات محرمة واقلهم العزابية واصحاب ظروف خاصة - ما ابي اتكلم اكثر لاني عارف شو اللي حاصل هني من تجاوزات خطيرة اللهم اني بلغت اللهم فاشهد - سبحان الله انا سالفة المدراء واصحاب الشركات والاطباء والمهندسين -- الخ هني في المودة مو داشة راسي -- لاسباب كثيرة منها من وين لهم وقت يدخلون مودة ويقعدون بالساعات وتاركين اشغالهم -- بعض الاعضاء عندهم اكثر من عضوية اشتراك -- وانا عارف اصلا انهم اكبر كذابين - - هناك فرق بين الذكر والرجل مو كل االذكور رجال - الفراغ والملل اسباب رئيسية لدخول المودة والايهام في البحث عن الزواج طبعا عند البعض ومو الكل - ابي شخص واحد في العالم يعدد لي فايدة وحدة بس من تعدد العلاقة والكلام مع فلان وعلان ومع اكثر من شخص -- هذي مو حالة كل ماصار فراق او زعل ردوا للمودة مرة ثانية حرام مضيعة الوقت ع الفاضي - غريب امر البعض من الشباب والبنات اللي مسجلين من سنوات وبعدهم ما توفقوا خاصة البنات اللي حظهن من الرسايل والتواصل اكثر من الشباب معقولة ما حصلتي كل هالسنين واحد يصلح للزواج العيب فمنو الحين -؟؟ كل الشباب هني يعرفون ان البنات يكلمون شباب غيرهم والعكس وفوق هذا الكل هني االبعض يقول انه صادق وعفيف وقلبه فاضي وعمره ما تعرف على بنات - المطلوب من الكل التفكير مليون مرة والحذر مليار مرة قبل التواصل والاقتران ترا الكلام الجميل الحين وبعدين شي ثاني وبعد الزواج كل شي راح يتغير --الزواج عشرة عمر - معقولة ناس هالزمن صاروا يتلاعبون بموضوع مصيري مثل الزواج وصارت مراسلة اكثر من شخص سمة اساسية عند الغالبية ؟ -اذا اتفقت مع اي وحدة لازم تلغي الاشتراك معاي بدون لف ودوران - عفتي وطهارتي وابتعادي عن الحرام خاصة في زمن الشهوات والفساد الاخلاقي ما يقدر بثمن -الفاسدين من الفنانين والمطربين والمشهورين والكذابين ما خلو لنا شي الا ان البنت الطاهرة المتدينة الخلوقة ما تلتفت لهم -- اي واحد او وحدة تقرب الحرام تتحمل الامراض خاصة اكتشفنا ان شباب اللي يسافرون بلاد الجنس يبون امراض فتاكة نعم هناك بنات شريفات طاهرات نقيات بس وين القاهن هن قلة نادرة بين هالخلق البحث جاري والشباب ما نقدر نقول شي كل واحد هني صاير طيار -- رجل اعمال --- مهندس قنابل ذرية --- ,وصاحب عمل خاص-- معقولة هذول ما حصلوا بنات ؟؟؟؟ صراحة البنت الذكية تقدر تكشف الجذب والعجيب ان اغلب العلاقات هني ما تعمر لان الاساس مبناي بالغلط والجذب ---- ابي وحدة تناسبني فكريا وعقليا واخلاقيا ورقيا -- مواصفات البنت اللي ابيها هي الاخلاص ثم الاخلاص -- العفة والطهارة - تخيلو ا البنت تجيها رسايل بالعشرات وهجوم كاسح من الشباب وكل واحد يعرض بضاعته يا جماعة افهموا اسمعوا اعقلوا --- مو كل واحد هني دش وقال انا قادر عالزواج -- ابي واحد يقول انه عنده بيت -- عنده فلوس للزواج -- عنده تكاليف الزواج -- اغلب الشباب والبنات مديونين للبنوك عشان السيارات والمظاهر -- ما ابي اي انسان يتكلم عن المثاليات ترا نحن في اخر الزمان اللي صار كل شي مباح والحرام صار كثير ورخيص والحلال صار غالي --- بس محد يصدق وعايشين في وهم - مافي شي اسمه زواج سريع او زواج بعد سنوات -- الزواج السريع ما يطلع العيوب وياما اكتشفنا غش -- اما زواج بعد سنوات راح يورث الملل وبلاوي كثيرة - العمر يمر بسرعة - الزواج مسؤولية بيت اولاد تربية وتعليم وعوار راس وضغط وسكر وجلطة وصبر -- يعني شي مو هين -- هني الكل يبي علاقة سريعة بدون تكاليف وعوار راس حب وغرام وجنس ومواعيد ووعود كاذبة وعودة لمليون مرة للمودة عشان الصيد هني ما يبي حداق - هني المطلوب كل شي يكون قبل الزواج حب وطلعات ووووو الخ - اذا هالبلاوي راح تصير قبل الزواج عيل شو خلو للزواج بمبة - والبنت الحين صارت تختار شريك حياتها بنفسها ونسبة النجاح قليلة - هني الكل يمدح نفسه لجذب اعطي البنت ثلاثة اشياء - الاخلاص -- الاهتمام -- التواصل - بس وينها اللي تستاهل