علي///

اول شي نفسي تكون عليها انها تكون حد طيب حد حريص علي الالتزام علي القرب من ربنا اكيد من غير تزمت ولا تشدد بس حابب نعين بعض علي الالتزام علي القرب من ربنا ده أهم شي بالنسبة لي وده الضامن لي اني اعيش حياة سعيدة علي المستوي الشخصي حابب تكون حد بتحب الخصوصية لأبعد درجه يعني حياتنا تكون لينا احنا بس منشاركش تفاصيلها لحد خالص بحلوها ومُرها قادرين مع بعض نحل كل شي سواء لان للاسف اي مشكلة مهما كانت صغيرة لما تتعرف بتكبر اكيد لينا أهل وناس عزاز اوي علينا وعلي قلبنا واجب علينا نحبهم ونبرهم ونوصل الرحم بس اسرتنا وبيتنا ده لينا احنا بس مش من حق حظ يعرف عنه أي شي مهما كان كبير أو صغير للاسف بنات كتير اوي فيهم الصفة دي أنهم يحكوا كل شي سواء للأهل او صحابها او ....الخ وده بيضايقتي جدا لأني شايفه مش صح اكيد لو لا قدر الله في مشكلة كبيرة زي ما ربنا قال حكم من اهله وحكم من اهلها بس بتكلم في العموم ومش حابب اوصل لده انا حد مرن جدا في واحب النقاش والتفاهم انا حابب زوجتي تكون حد مميز جدا في كل شي في تفكيرها بنات كتير بتكون حابه الزوج مثلا سي السيد اللي يأمر وينهي انا مش كدا أنا مش واخد جارية لا انا زوجتي شريكه حياتي ونفسي تشاركني كل شي حرفيا حد شخصيته قوية لها رأيها اللي اقدر اثق فيه حد لو انا غلطت تصححلي غلطي من خلال التفاهم والنقاش الراقي حد مش ضعيف دايما الرجالة تخاف من الزوجه القوية بس في رائي أن قوتها مضافة لي مش مسلوبة مني لاني اكيد مش معصوم من الخطأ اكيد لو غلطت هحتاج حد في ضهري زي ما انا هكون لها كدا رابع شي الاحترام والتقدير سواء بينا او قدام اي حد وخصوصا قدام اي حد لاني بيني وبينها اكيد هيكون في مساحه نقاش وتفاهم حتي لو اعتراض منها علي اي شي انا هقبله وهنحاول مع بعض نوصل لنقطه اتفاق بس قدام الناس مش حابب انها تبان قوية لا حابب اظهر اني انا رجلها وسندها وحمايتها وضهرها ولو قولتلها شي قدام تقولي حاضر حتي لو مش هتعمله وتأجل التنفيذ لحد ما اكون انا وهي بس ونتكلم بس انا حابب تحافظ علي مظهري قدام الناس وكرامتي ده شي مهم جدا لي خامس شي حابب حد يكون عنده حب امتلاك لي حد يعرف كل نقاط ضعفي قبل نقاط قوتي حد يستوعبني يحتويني حد حنين جدا زي منا هكون حنين عليها حد يكون لي كل شي حرفيا تكون زوجه وصديقة واخت وبنت وام ربنا وصف العلاقة بين الزوجين باربع صفات جميلة اوي 1 - سكن ومعني السكن في اللغة الهدوء يعني حد روحي بتسكن عندها في آخر يومي بتهدي عندها من كل دوشة الحياة وضغوطات الشغل اكون عارف ان في آخر يومي لي حد بجري عليه 2 - لباس ربنا وصف الزوجين لبعض أنهم لباس لبعض يعني ستر وغطا لبعض يعني هتطلع علي صفات في شخصيتي مش اي حد هيطلع عليها هتستر عيوبي واستر عيوبها الناس بتفهم اللباس أنه الملابس بس انا فاهمه أنه غطا للروح قبل مايكون غطا للجسد وبردو لباس يشمل معني الخصوصية أن لازم يكون بينهم خصوصية كبيرة جدا ومحدش يدخل بينهم زي ما قولتلك فوق 3- مودة يعني في بينهم ود في التعامل فضفضة حد بحب اتكلم معاه حد الكلام معاه ممتع حد احب اخرج معاه اتفسح اسافر معاه حد يكون ونس فعلا لي في حياتي 4 - رحمه ودي اجمل شي يكون بينا رحمه يعني ألتماس عذر يعني مساعدة في الحياة مفيش قسوة في لين في التعامل ألتماس عذر في الأوقات اللي الشخص التاني يكون مخنوق فيها حاجه قبل اخيرة حابب جدا هي وانا نكون -باقيين - علي بعض علي وجود بعض مش سهل نتخلي عن بعض مش سهل نفارق بعض مهما كان حاجه اخيرة بالنسبة للقوامة ومفهومي عنها ناس كتيرة فاهمه القوامه غلط فاهمه انها تحكم وسيطرة وتسلط معنهم لو فهموا معناها الحقيقي هيفهمو انهامسئولية كبيرة اوووووي وان ربنا جعل الزوج -قائم - علي احتياجات الزوجه سواء المادية او النفسية وده من تكريم ربنا للمرأة أنه جعل حد يخدمها ويلبي لها كل احتياجاتها في بيتها اسرتها تلاقي باباها واخوها وفي بيتها تلاقي زوجها علي فكرة انا حد في شغلي حد شخصيته قوية وقيادية جدا و وسط اهلي بردو بس مع زوجتي مش حابب اكون كدا لان الحياة مشاركه وحابب اكون معاها حد احس معاها بالأمان اللي يسمحلي أظهر ضعفي معاها لان الزوجه الشخص الوحيد الأمين اللي اقدر اكون كدا معاها اتربينا في مجتمع مش بيسمح للرجل أنه يضعف او يبين ده مثلا زمان كلمه مشهورة تتقال لأي ولد متعيطش زي البنات معن هو لحم ودم عادي اكيد هيكون -في بعض الأحيان - ممكن يكون مشتت تايه محتاج دعم نفسي له