Reda.S.Ahmed

أهم حاجه تكون بتصلي عارفة الحلال بيّن والحرام بيّن - نعاون بعض في طاعة الله و رضاه و نراعي و نتقي ربنا ف بعض - محترمه وشخصيتها هادية زيي كده عندها حياء متفاهمه و عاقله و وصوليه يعني تبني متهدش وتكون عارفة ان الكلمه بتخرج من اللسان ي تبني و تحيي ي تهد و تقتل فالأولي زي ماربنا سبحانه وتعالي قال " وقولوا للناس حُسنا " فنخلي كلامنا و افعالنا مابينا بالحُسني - فيه عقول تعمل من الحبة قبة وعقول تبات نار تصبح رماد فعشان كده تكون عارفة انه لو لاقدر الله حصلت مشاكل مابينا يبقي عقولنا راقية متفاهمه نكون وصوليين و نحجم المشكلة وننهيها بأبسط الطرق - مش شرط الجمال بس يكون فيه قبول تقدرني و تحترمني في غيابي قبل حضوري ، كرامتها من كرامتي و تقديرها من تقديري و سرها سري و سري سرها واسرار بيتنا وحياتنا متخرجش لحد نهائي نهائي ؛ يبقي لينا حياتنا و دايرتنا انا وهي وبس. تكون بارة بأهلي و هكون بار بأهلها أكيد بإذن الله ؛ تستشيرني و استشيرها و تبقي شايفاني الامان ليها في وقت القلق. متكونش عندية وبتجادل وخلاص من غير فهم واحترام وجهات النظر ، لا ، نحترم وجهات نظر بعض احنا مش في مسابقة ولا مصارعة مين هيكسب و مش عايز اعتذار بس ع الاقل تكون حاسة بالغلط و متجادلش ، تكون عارفة ان ليها ودنين ولسان واحد فتخلي سمعها اكتر من كلامها. كل اللي بقوله و طالبه قبل ماهي تنفذه هيكون طبْع فيا اكيد بإذن الله. مؤمنة ب قوامة الرجل وتكون عارفة ان الحياة مابينا لازم يبقي فيه مشاركة نبني حياتنا سوا ونكون سند لبعض بإذن الله . تعرف تقراني كويس وعندها اهتمام بالتفاصيل وتكون ست بيت شاطرة ونضيفة و نزيهة ف بيتها و منظمة و مرتبة. بتمني من ربي انها تكون عند حسن ظني دايما و ربنا يعيني و اكون ليها نِعم الزوج والسند.. اللهم آمين