Sameh Zaghlool

الحياة الزوجية بتبقي عبارة عن مودة و رحمة و حب و اهتمام .. بس لازم الطرفين يبقوا مقتنعين بكدة انا انسان بسيط و واقعي جدا .. بحب الحياة البسيطة و بحب الاهتمام ثم الاهتمام ثم الاهتمام -بمعناه الصح اكيد- .. بحب جدا اللي يقدرني و يحترمني و ده يخليني اشيله فوق راسي .. جاهز للزواج في اقرب وقت -طبعا في حالة وجود انسانة ارتاح لها و اتقبلها و ترتاح ليا و تتقبلني- .. الحمد لله انا انسان طموح و مجتهد في شغلي و بحب اتعلم و اطور من نفسي في شغلي و حياتي عموما .. بحب اعرف ادق التفاصيل عن شريكة حياتي لانها اكيد مسئوله مني و اكيد هي كمان ليها الحق في انها تعرف ادق التفاصيل عني .. الحقيقة انا عصبي شوية -بصراحة مبحبش الغباوة- بس مش مجنون و بجد ممكن يضحك عليا بكلمتين او بأبتسامة جميلة من شريكة حياتي .. قماص شوية بس بسهولة ممكن اتصالح عادي .. انا بحب الهدوء و الرومانسية جدا .. بيتوتي الي حد ما بس برده بحب الخروج و الفسح و السفر كل فترة .. بحب ادي كل حاجة حقها يعني اكيد في وقت للجد و وقت للهزار و الضحك .. هتكلم و احكي مع مراتي في كل و اي حاجة و اتمني هي كمان تكون كدة -ما انا اكيد مش هتكلم لوحدي يعني- .. الزواج يعني حياة كاملة بيعشها الزوجين مع بعض و لبعض .. انا بعشق الحياة الزوجية بكل تفاصيلها .. نفسي الاقي البنوتة اللي تكمل معايا حياتي و اكمل معاها حياتها و نكون سند لبعض ان شاء الله .. شايف ان زوجتي دي لازم تبقي ملكة في بيتنا و ع حياتي كلها .. حاجات كتير الحقيقة نفسي اتكلم فيها بس ان شاء الله مع صاحبة النصيب هنتكلم و نرغي في كل حاجة ..