Amir ahz

لما تحبو حبو رجالة .... الراجل اللي بجد هو اللي تقدري تعتمدي عليه و تسندي عليه .. هو اللي يكون قد المسئولية هو اللي يفضل ثابت مايتغيرش ولا يتاثر باحقاد و كلام بدافع الغيرة و الكره.... الراجل هو اللي تأمني غضبه وزعله .. ميتحولش لبني ادم تاني كانك ما تعرفيهوش .. هو اللي كلامه زي تصرفاته ليه وش واحد مش متلون تبع اهواء نفسه و اللي حواليه .. هو اللي تثقي فيه في كل الحالات .. مش وقت الحب يرفعك ل سابع سما ... ووقت الزعل يهينك و ينتقدك و ينزل بيكي ل سابع ارض .. ويحسسك انك اسوء انسانة في الدنيا كلها و ان كل مافيكي غلط .. الراجل هو اللي يعرف يعني ايه حب ... ويعني ايه واحدة امنت ليه واستأمنته علي قلبها ... هو اللي يعلي ثقتك في نفسك و يشجعك دايما تكوني للاحسن و تحققي طموحك ... ويقدر اهتماماتك بالحجات اللي بتحبيها ... هو اللي بيغير و يخاف عليكي .. مش يخوفك .. تعرفي تختلفي و تتناقشي معاه ... مش يقلل منك ويسخف من كلامك ... هو اللي يسمعك ويوجهك لو غلطتي ويفهمك الصح .. مش يلومك و يعايرك بغلطك و يعلقلك المشنقة .. الراجل اللي بجد بيكون حماية وضهر وامان راجل ليكي .. مش راجل عليكي .. يخليكي غالية و عالية في عين الكل ... مايكونش بخيل في مشاعره و حبه و احساسه ... ودة اسوووء بكتير من بخل الفلوس ... الراجل اللي بجد هو اللي يعرف يعني ايه واحدة روحها اتعلقت بيه و اتعشمت فيه و صدقته.. هو اللي يقدر التضحية ويحفظ الجميل ويصون العشرة.. هو اللي يحافظ علي كرامة الانسانة اللي وثقت فيه وحبيته و فضلته علي نفسها ... هو اللي يحارب ويقاوم ويقف قصاد الدنيا ويدافع عن حبه.. حجات كتيييير اووووي لازم تكون متوفرة في الراجل الي تحبيه وتتجوزيه .. ... ما تحبيش اشباه رجال و ماتكمليش في علاقة تكوني انتي الراجل فيها انتي اللي تضحي و انتي اللي تتنازلي انتي اللي تحاربي