E.s.t.q.r.a.r

انت ممكن تكون عريس جاهز ومحترم ومركزك كويس جدًا لكن برضو ده مش شرط كافي ان البنت توافق عليك سيدنا عمر بن الخطاب أمير المؤمنين راح للسيدة عائشة رضي الله عنها وطلب منها تتوسطله عند ام كلثوم بنت أبي بكر الصديق عشان يتجوزها، تخيلوا رد ام كلثوم كان إيه!! الخليفة بنفسه طالب ايديها للزواج وكمان مين الوسيط دي أم المؤمنين وزوجة رسول الله صلى الله عليه وسلم.. رفضت وقالت مالي وعمر!! إنه خشن العيش.. أنا اريد رجلًا حنونًا يصب عليا من الحب صبا... مقالتش ده أمير المؤمنين أنا هلاقي زيه فين وده بيحبني.. لا رفضته لأنها شافت انه مش مناسب.. وبعد كده تزوجت طلحة بن عبيد الله بإرادتها واحبته حبًا شديدًا وأحبها وكان على الرغم من كونه رجل حرب وقتال الا أنه كان رقيقًا معها ويغازلها دائمًا.. تخيلوا الكلام ده من ١٤٠٠ سنة!! ربنا يحنن قلبنا ويهدينا على اللي متعشمين فينا ويجعلنا راحة ليهم 💙