Ra M1969

انا ست طبيعيه عاوزة اتجوز جواز طبيعي عشان ربنا خلقنا كده فمحدش يسألني عاوزة تتجوزي ليه ومحدش يحاول يخوض في اي امور خاصة عيب احنا مسلمين لازم يكون بينا شعرة حياء مش معنى انك بتكلمني في زواج يبقى جرين كارد يسمحلك تسألني او تتكلم في حاجات ميصحش تتكلم فيها طول مفيش حلال ربنا بيني و بينك افهموا بقى واعقلوا وخلوا الحلال بين عيونكم عشان اخرتكم سوده ربنا يهديكم .. كان ليا اكاونت حذفته قبل ده شفت فيه العجب .. الاغلبية لابس توب الملاك و مش هدفه زواج قد ما ماهو تسليه بخلق الله و تضييع وقتهم و تصعيب الحلال عليهم وعشان اكون منصفة فيه بنات مش كويسه عالموقع ربنا يهديهم .. المفروض اللي يبعت لواحده و نيته مش زواج و يلاقيها محترمه وجد هدفها الستر ورضا ربنا ميكملش معاها يروح يدور على واحدة تشبهه و يسيبها لراجل محترم هدفه زيها بيخاف ربنا وعامل حساب ليوم الحساب .. معنديش استعداد اضيع ساعة من عمري مع حد مش واضح اوكذاب او مضلل ومش جد ومش محترم او بيدَعي فضائل و تدين و اخلاق هو بريء منها .. كفاية اشتغالات و تهريج ورسم صور اسطورية عنك تداري بيها نقص شخصيتك و عقدك النفسية .. عاوز تتسلى بكدب و فشر اشتريلك كيس لب وكيسين فشــــار اكرم لك من التسلية بوقت الناس لان كل نية او تصرف سيء ميرضيش ربنا او كلمة غير صادقة هدفها الخداع حسابها عند ربنا مش بيضيع .. شغال تحصد سيئات وذنوب من ولا حاجة!! ليه متحترمش نفسك وتعفها عن الغلط والوضاعة!! ليه مستكتر على نفسك تكون بني ادم سوي!!! كفايه سخافات وتفاهة .. اي حد من ذوي الاعاقة النفسيه المريضة هاعمله بلوك اي حد مش محترم و بيتجاوز حدوده هاعمله بلوك اي حد مزيف هاعمله بلوك اي حد من بتوع مطيع ومولاتي وخدامك واغسلك الصحون واشخطي فيا واضربيني هاعمله بلوك اي حد عاوز ونس و مالوش في الزواج هاعمله بلوك اي حد عقله وتفكيره وكلامه في نصه التحتاني هاعمله بلوك احنا مش حيوااااانات عايشين للغريزة بس!!! اي حد عامل 500 اكاونت فاتحهم على بعض هاعمله بلوك اي حد هايعيشلي دور روميو اول ما يكلمني وعاوز يلبسني توب جولييت بالعافيه هاعمله بلوكين تلاتة اواي تكدبوا في مشاعركم!! لازم تعززوها متطلعش الا لو كانت حقيقية .. انت فاكر لما تغش واحده وتقولها وحشتيني وبحبك بتغشها هي!! انت بتغش نفسك يا ڤالنتينو وبترخصها اكتر ماهي رخيصة .. معرفش اقول كلمة مش حساها مبعرفش اكدب في مشاعري ولا امثل انها موجودة بالكدب لانها عزيزة وغالية مش هاجاملك بيها .. ولما نتكلم اختار ياتكلمني راجل لراجل يا ست لست طول مفيش ارتباط شرعي بينا .. لازم نتأدب في حوارنا .. اياك ثم اياك تفكر لحظة اني هاكون انثـــى معاك بكلمة او بتصرف بدون رباط شرعي يرضي ربنا واللي فهم او هايفهم كلامي اني ست عنيفة قوية ومفترية يعملي بلوووووك