Marwa morsy88.

اتربينا ان الجواز مشاركة ، اتنين بيبذلوا كل جهدهم عشان يسعدوا بعض ويكونوا راحة وأمان لبعض ، تلطش فينا الدنيا بره البيت يمين وشمال ونرجع اخر الليل لحضن بعض ويتقفل علينا بابنا فـ نتطمن ونحس بالسكن والأمان .. يتقى ربنا فيا ويراضيني برضه بحب ورضا.. عمره ما كان واحد زائد واحد يساوي ٢ ، عمره ما كان انا هعمل كذا وانت هتعمل كذا ، ولو انت قصرت فأنا هقصر .. جوزي يعني سكني وأماني وأنا راحته وسعادته .. كل طرف علي قد ما يقدر بيبقي عايز يراضي الطرف التانى واللي يقدر يعمل حاجة مش بيتأخر وبيعملها بحب .. الجواز سكن ومودة ورحمة .. لو مش ده مفهوم الجواز اللي انت مقتنع بيه يبقي بلاش جواز ..