Almister

عاوزها تشبه شخصيتي إلي حد كبير بحيث نشجع بعض وندعم بعض، يعني في شوية حاجات كده في شخصيتي حابب زوجتي تشاركني فيها: ١- هادئ ومش بتاع مشاكل ولا أحب الخلافات، وحابب مراتي تشاركني الحياة الهادئة دي بحيث نبقى في حالنا وملناش دعوة بحد ولا نجيب في سيرة الناس، وملناش دعوة مين عمل إيه، يدوب كده نعيش لبعض فقط. ٢- بحب العلم والقراءة وإني أتعلم كل يوم حاجة جديدة. لذلك حابب مراتي تكون رفيقة لي في كده. بحيث نتعلم من بعض ومع بعض ونشجع بعض على التعليم والقراءة. ٣- الحمدلله شخص ملتزم ومتدين -ولا أزكي نفسي على الله- لذلك حابب مراتي تشجعني على ذلك بحيث نشجع بعض على الطاعة والعبادة ونتقرب إلي الله مع بعض. خلاصة الكلام عاوزها تكون صاحبتي ورفيقتي ندعم بعض ونشجع بعض. تكون شريكة حياتي بمعنى الكلمة. تشاركني كل شيء فيها. تشاركني قراراتي وإنجازاتي ونجاحاتي. تكون لي كل شيء وأكون لها كل شيء. أقولك على حاجة؟!! أنا عاوز واحدة تبقى فرحانة بيا مش بس توافق عليا، الفرق كبير بين إنك تلاقي حد يبقى فرحان بيك وحد مجرد موافق عشان أنت إللي موجود أو أنت بالعقل مناسب. أنا عاوز واحدة أبقى فرحان بيها ومبهور بكل تفاصيلها وهي تبقى فرحانة بيا ومبهورة بكل تفاصيلي، لما نتقابل بقى أما أنا وهي نحس بده أو لا.