ورد@@

كتييييييير دا دا يكفي حاليا 👇 مفيش بنت منفسهاش تتجوز وتعمل بيت وأسرة وتخلف وتستقر ، بس كل ما بنكبر عقلنا بيغلب ، واختيارتنا بتبقى محدودة نتيجة للنضج والتجارب ، أى بنت عاقلة فى مصر بذات بتحارب عشان تعمل ده بس مع الانسان الصح ، أى بنت تقدر تتجوز أى جوازة من بكرة لو حبت وتعمل كل ده ، بس المشكلة أننا كل مابنكبر كل مابنفهم أن البيت والاسرة والاستقرار مبيتعملوش بلقب متزوجة ، بيتعمل براجل محترم وسوى مش غلاط ، راجل يشيل ويصون ويفهم أن الحياة مشاركة ومودة واحترام وحب مش حرب وندية وسيطرة وصوت عالى ، وأول متلاقى ده أكيد عمرها ماهتقول لا ، أحنا بنتحامى فى مصطلح الاسترونج اندبندنت ومان لحد منلاقى الراجل اللى بالقوة الكافية اللى تخلينا نتسند عليه ونفتكر معاه طبيعتنا اللى معاها بنضعف ونعيط عادى جدا من غير ما ندارى ونحسبها ، الراجل اللى يكون بيت نلجأله مش نهرب منه ، ولحد ما ده يحصل مفيش بنت عاقلة هتاخد الخطوة دى لمجرد أنها ترضى الناس والمجتمع اللى مستنين يفرحوا بيها ويوشوفها بتعمل الحاجة اللى طول عمر الناس بتعملها ، مش المشكلة أن الواحدة تتأخر فى اختيارها ، المشكلة لو اختارت غلط فى الآخر .. لأن وقتها محدش هيشيل ده غيرها .