ولد صفوق

خويت درب عمري ماخذاني دونها النسيات~~~ وانا ياهل الملامه مارغبت العيش وحداني~~~ابيها مهرة ماعسفت صغيره وبنت حصان ~~~ابوها الي يفك المشكله ويزبن الجاني~~~ابوها لاتعزوى بسمها فزوله العربان~~~ يحق لها الفخر في قولة ال فلان جداني~~~ابيها في بحر عشرين لازود ولانقصان ~~~ابيها اقصر طويله والوصف اشكال والواني ~~~ابي الجبهه كما الصبح وكما القوس اسود الحجان~~~وابيها ناعسات ونرجسيه سود الاعيان~~~ابي رمش كما ريش يغطي الثلج في الاوجان~~~وابي جفن يشيل الرمش طربان وكسلاني~~~وابي خد مثل ورد تنمى في طرف بستان~~~وابي خشم صغير مثل حد السيف شاماني~~~ابي البسمه كما البرق وثناياها كما المرجان~~~وشفاها جمرتين وفمها خاتم سليماني~~~ ابي شعر كماذيل الفرس لا طبت الميدان~~~او الشلال لامن بات ليله بين الامتاني~~~ابي جيد سواة ابريق فضه ناتق مليان~~~ وصدر كنه مرايه عليها طلع رماني~~~ابي ظهر كما الجدول وقدمن مثل غصن البان~~~وخصرمثل مجدول العنان وجسم روياني~~~ابيها نابية ردف وبطن ضامر جوعان~~~ ابيها مدمجه ساق وقدمها لسان ثعباني~~~ ابيها بنت عز من رغدها ينعم الفستان~~~ ابي الرقه وابي الدقه لها باطرافها شاني~~~ابي المشيه كما اللي طالع من المعركه كسبان~~~ وابيها ترش في خطوتها مسك وريحاني~~~ ابي صوت الي مني سمعته كن فيه الحان~~~ يدغدغ مسمعي ويثير كل السحر في اشجاني~~~ ابيها حب واخلاص وهواجيس وفرح واحزان~~~ ابيها مثل مادكتور اهالي العشق وصاني~~~ ابيها لوحه ماصورتها ريشة الفنان~~~ ابيها جوهره ماجابها قاصي ولاداني~~~ ابيها تنتصرلي من زمان حطني نيشان~~~ وتبشر بالغلا اللي مالفابه واحد ثاني~~~ مهرها قلب وشعر يهز القلب والوجدان~~~ والبسها القصيد وتصبح اوزاني ~~~ابي اللي فات واللي فات صعب ومن لقى العنوان~~~يرد العلم والا افضل العيش وحداني~~~ ولد صفوق يبحث عن نصفه الآخر