1Norhan1

مفيش حاجه اسمها مواصفات وشروط لشخص هكمل معاه حياتى .. لو انا دلوقتى فجأه لقيت نفسي في صحراء لوحدى والدنيا بتمطر وفي عواصف وبرد شديد وجيت قولتلك محتاجه ايه دلوقتى حالا ؟ الطبيعي والبديهي هقولك محتاجه مكان احتمي فيه ولحاف يدفيني فهاجي مثلا الاقي بيت احتمي فيه بيت صغير متكون من اساس وعمدان قوى وجدران وسقف وفرش ولحاف يدفيني ويعد ما اتدفي هنام وانا مطمنه انى في امان لكن بعد ما اصحي هحتاج حد يقعد معايا يونسنى .. مش معقول هعيش لوحدى .. وبعد ما اتونس هحتاج اكل ومياة .. دول الأساس اللى لو متوجدوش ليا هموت في الصحراء دى .. الصحراء دى هي الحياة والمطر والعواصف والبرد هما الظروف والمشاكل والناس المؤذية البيت هو شريك حياة أساسية: 1-الدين والخلق : لازم الشخص يكون بيخاف ربنا عشان يراعي ربنا فيا ويكون شخص أخلاقة كويسة محترم والعيبة متطلعش منه .. ولو الأساس دا مش قوي مش هيصمد في مقابل العواصف وهيتهد 2-الفرش واللحاف هم صدق القلب : مفيش اصعب من أننا نقابل حد قلبه صادق كل اللى هيقدمه من اول النظرة لحد الفعل يكون صادق - شخص صادق-اخلاق-حنية ولطف واحتواء - يعنى دفا 3-النوم هو الأمان: والأمان هو أعلى منزلة من الحب الانسان لما بيطمن بيقدر يحب لكن مش كل اللى بيحب بيقدر يتطمن .. اكون مطمنه أنه مش هيمل منى .. أنه مش هيفارق في نص الطريق .. أنه هيكون معايا وقت ما اكون دبلانه زى ما يكون معايا وانا بلمع .. أنه مش هيسيب ايدي .. أنى اتخبي ورا ضهرة وانا متأكدة أنه مش هيمشي ويسيبنى عريانه .. أنه اكون متاكده أنه ملكي بكامل قواه العقلية والقلبية ومفيش حد تانى بقدر ياخده منى .. وان مهما قابلنا مشاكل هتفضل متبتين في ايد بعض 4- المسئولية: لازم يكون شخص مسئول مينفعش يكون شخص عالة على غيرة.. شخص اعرف اعتمد عليه واولادى يعتمدوا عليه .. مش مهم دخله الشهري 1000 ولا 1000000 المهم يكون عنده قوامه دول الأساس اللى لو متوجدوش في شريك حياتى علاقتى بيه هتموت وتفشل