Ma.kh.

" واتقوا يوما ترجعون فيه إلي الله " ارجو من السادة المتزوجين عدم التواصل معايا انا لا اقبل التعدد مهما كانت الظروف والسادة الأفاضل اللي داخلين للتسلية مش ده البروفايل اللي بتدور عليه في كتير غيري داخلين يتسلوا فالأفضل تاخد بعضك وتدور عليهم بعيد عني أنا امرأة تريد الزواج علي سنة الله ورسوله من راجل حقيقي مش رجل ورق اي كلام زى معظم الموجودين في الزمن ده .. عايزة رجل عارف ربنا ويخافه ويخشاه في كل تصرفاته مش واحد بس داخل يتكلم في كلام غير لائق ولا واحد يقعد يقول سبب طلاقي من مراتي أنها كانت باردة وهو كان هرقليز ياعيني ياريت بعد اذن حضراتكوا اللي داخل يستعرض عضلاته ما يقربش لبروفايلي عشان اول ما تقول كده هتاخد البلوك المتين عايزة رجل بجد عارف ان ربنا فوق سبع سماوات وشاهد علي كلامه ونيته وداخل بهدف الزواج وعارف الظروف وفاهمها وادها .. ونقطة أخيرة القبول من الشرع مش انا اللي اخترعته يعني لما اشوف صورتك وما احسش بقبول ما تقولش حددتي من صورة ولا انتي داخلة تتسلي عشان مش لازم حضرتك تعجبني عشان ما اكونش بتسلي واه انا بحكم من صورة عشان هي صورتك مش صورة ابن الجيران ورفضي بطريقة مؤدبة مش معناه انك قبيح لا سمح الله بس هو الموضوع ارتياح نفسي وممكن تكون في غاية الوسامة وما ارتاحش بردو ومن حقك جدا ترفضني ده جواز يا بشر افهموا لازم الارتياح يكون متكامل اخلاق وشكل وصوت وأسلوب وياريت ماحدش يطلب الرقم صورتك موجودة في التطبيق اهلا وسهلا مش موجودة وما بتعرفش تحطها يبقي بالتوفيق .. اتمني تكون رسالتي وصلت ووضحت للجميع .. واتمني التوفيق لكل صادق موجود هنا أن شاء الله