احترام اه حب لا

بيقولوا .. محترم ناجح وظيفة كويسة .. مقبول شكلا ..شخصية نقدر نقول عليها مش مضرة ولا مكلكعة بالعكس بسيطة ودوغرى وبسيط اوى فى كل حاجة فى حياتى .. مابحبش النكد ولا الندب على اللى فات ودائما بحب ابص للنص المليان وابص لقدام .. سليم الحمد لله جسديا ونفسيا .. مسؤول والمسؤولية ضغط نفسى كبير لما بتبقى مش متعود على التقصير .. مابحبش التطويل والمط فى الأمور .. مافيش اقصر من الخط المستقيم .. بقول اللى انا عايزه دوغرى حتى لو غلط .. اصل مش هايبقى غلط وكمان الف وادور واضيع وقت ومجهود .. يبقى غلط وغباوة كمان .. الحياة قصيرة اوى ومافيش اسرع من الايام ... نعيشها ونغلط ونصلح احسن ما نموت قبل ما نموت .. اصل مافيش تجربة مضمونة .. والجواز زى الزرعة .. هات االزرعة اللى تعجبك بس مش هاتكبر ولا هاتطرح غير لما تراعيها وترويها وتحوط عليها ... اصل الجواز دا نعمة لما بتشكر ربنا عليها بتزيد .. ولما تغضب ربنا فيها بتقلب نقمة ولعنة ... واظن كفاية لعنات بقى احنا اللى بنعملها فى نفسنا دا احنا لو حمير مش هانعمل فى نفسنا كدا والله