Saad_سعد

إلى زوجتي المستقبلية .. سمعي أ بنت الناس ما كاين لا ولاد لا زوج قبل 3 سنوات اللولة ديال الزواج حتا نشبعو لعب حنا بعدا .. و الصاكادو بغيتو ديما يكون واجد فأي لحضة غادي نقول ليك جمعي حوايجك غادي نسافرو .. و الطياب حالو ساهل نبقاو نديرو التجارب فديك الكوزينة لكن لا جاو الضياف ما نعقلش عليك ، لي فاق اللول يوجد الفطور عاد يفيق اﻷخر و بلا غشان راني كنعيق ، و ديري فبالك بلي أنا عزيز عليا الطواجن محروقين لا ماكانش الحراق فالطاجين غادي نردو حتا يتحرق .. ولادنا ملي يجيو ما نبغيش يكون عندهم مع الكورة غي صداع الراس .. نتي تربي من جيهتك و تكوني قاصحة مرة مرة أما أنا غادي نكون صديق لولادي باش نكون قريب من مشاكلهم .. نساي عليك ديك المربية و التخربيق ولادنا نسهرو معاهم حنا بزوج و ملي نعيط ليك أجي بلا تعطال ما ديريش سبة بالكوزينة راني ما واخدش خدامة حتى دوك المواعن نديرو ليهم ماكينة ديالهم باش نربحو الوقت ،.. رجلي على رجليك ماشي مسألة تقة ولكن غادي نحتاج الدعم المعنوي منك .. ما عمرك تجي تقولي لي الجارة فعلات ولا فلانة تركات ماعنديش مع الهضرة الخاوية.. لا كنت مقلق بلامى تدوي معايا بزربة كنبرد - هذا إلى تقلقت منك أصلا ماشي مشكل إلى ماوصلتيش لشي مستوى عالي فالقراية .. حيت الثقافة ماكتعلقش بالمستوى الدراسي.. بلا ما تستغربي إلى جيت طلبت منك الشوار أنا ماشي دكتاتور و نتي ماناقصاش عقل .. فالعيد نمشيو لدارنا فالصباح و لداركم فالعشية ما كاينش المباتة برا .. ما تبقايش شادة داك التيليفون بالسوايع مع صاحبتك أنا أولى و أكيد غادي يكون عندك ذوق فني عالي و إنسانة تايعجبها تناقش الدين و السياسة و الفكر و التاريخ - ضروري باش نعرفو شنو واقع فالعالم و ناقشوه - ماعنديش مع الروتين .. خاصك تكوني رومانسية ﻷقصى حدود أه وي قبل ما نسى ديري الحنة غادي نخليك و نزيد و قلبي ديك الساعة على عريس و داكشي اﻷخر حتى نتلاقاو ... 🤗