عبد التواب 62

أنا ملتزم دينيا بدون تشدد ولا أنتمي لاي تيار ديني ولا اي حزب واحب الاستقرار ومرح جدا جدا وعلى قدر كبير من الثقافة العامه وحافظا القران الكريم كاملا والله المستعان بقيت ملاحظ حاجة وبتجربة شخصية في ستات بتعمل اعلان عن رغبتها في الزواج ولما تدخل تكلمها تعمل بلوك من اول كلمة سلام عليكم لا اتكلمت معاك ولا حتي عرفت انت مين ؟ طيب ياست الكل انتي بتعلني عن رغبتك في الارتباط ليه طالما مش مستعدة تتكلمي ولا هي الفكرة احساسك انك مرغوبة والعرسان عايزاكي ؟ اعتقد ان موضوع الجواز من خلال الجروبات عبارة عن : ١-رجاله داخله تلعب وتتسلي ودول بنسبة كبيرة ٢-رجاله جد ولكن ظروفهم الاجتماعية او المالية غير مرغوب فيها او مناسبه ٣-رجاله جد الجد ودول ابرة في بحر ٤- بنات فضلو يدلعوا ويتمنعوا عن العرسان وهما بالعشرينات ودلوقتي باخر التلاتينات ولسه بيدلعوا دلع بايخ ٥- ستات محترمة مطلقات قابلت في حياتها رجالة خسارة فيهم الاسم وده نصيبها كده وربنا يعوض عليها ولكن بقي عندها صدمة وشك من الزواج والرجاله . ٦ - ست واخدة الموضوع تجارة بتطلب شقة جنب امها وشبكة ومؤخر وعربية وبتبقي مستنية المغفل اللي يقع في الفخ وهوب امنت نفسها وقلبت الراجل وكسبت من اسهل مشروع بالدنيا وهلما جرا . ٧ - ستات وبنات مش عايزة تتجوز وتشيل مسئولية ولكن عايزة ترضي غرورها وتحس ان الرجالة بتجري عليها . ٨- ستات وبنات محترمة وولاد اصول متابعين ولكن حياءهم مانعم من الظهور ودول برضو ابره في بحر ..... في الاخير اتمني من كل تلك الفئات وغيرها ان يتقوا الله ويخلصوا نواياهم . الحياة قصيرة ومش مستهلة نضحك علي بعض او نشوه نفسيات بعض او انها تمر والواحد وحيد بدون شريك محترم بالرحلة تحياتي للجميع واسف للاطالة #مش_هتاخد_من_االدنيا_غير_نصيبك