Ana Hamooo

دي بيناتي وربنا يكرمني بلزوجه الصالحه انا حابب اعمل فرح انشاء الله وعل حسب الاتفاق الجنسية : مصري المدينه: القاهره مكان الاقامة الحالية : الجيزه المنيب مكان شقة الزوجية ونوعها : المنيب عقد مفتوح العمر : 30 المؤهل : متوسط العمل : مشرف قسم وسواق في شركه معمار للمقاولات العامه الطول : 165 الوزن : 70 التدخين : لا فضل ونعمه من ربنا وبصلي لون البشرة : قشطه 😛😛 الحالة الاجتماعية : مطلق عدد الاطفال وأعمارهم ان وجد : 2 مع والدتهم 4 سنين وطلقتي اتجوزت وخلفت كمان يعني مفيش رجوع تاني للابد الحالة الاقتصادية : في نعمه كبيره من ربنا ويرزقنا الرضا والسعي للأحسن باذن الله المواصفات المطلوبة في الطرف الآخر : مش هيفرق السن حتا لو كبيره عني بسنه او اتنين الجنسيه : مصريه المدينة : مش هتفرق المهم بنت اصول العمر : مش هتفرق برده المؤهل : والله ما هتفرق برده 😅 الطول : هفضل اقول مش هتفرق كتير تقريبا 😅 - بس يعني لو من 160 ل 165 هيبقي زي الفل لو مفيش خلي عنك خالص والموجود يسد 😄 - الحجم : مش رفيعه ومش تخينه لون البشرة : ابيض - وبرده مش هتفرق 😐- الحالة الاجتماعية : ارمله أو منفصله او بنت المستوى الاجتماعي : المجنونه بنت العاقلين والعاقله بنت المجانين تمتنع 🙃 مش هتفرق نبذة عن نفسك جينا بقي للي مش عارف هقول فيه ايه ، هو الواحد عنده كلام كتير بس احسن اخليه لصاحبة النصيب ، مش هقعد اقول انا كويس في كذا وكذا ، لكن باختصار انا ابويا صرف عليا أصول مش فلوس عنينا مليانه وايدينا فوق مش تحت ، تعبت كتير اوي الفتره اللي فاتت وعمري اتسرق مني ، لكن الامل في ربنا سبحانه وتعالي يعوض باللي يقدر ، مش طالب اكتر من شوية حنيه ، تقدير واحترام متبادل ، عايز حد أكتفي بيه عن الدنيا ارجع من شغلي مبقاش عايز اسيبه وانزل ، متجدده انيقه مهذبه مجنونه شقيه هادئه ، لو عندها طفل هحطه في عيني واعتبره ابني أو بنتي - بشرط ميكونش ممنوع عن والده - السيدات اللي حارمه الاب وعيلته من ولادهم مرفوض تماما ، اللي يضيع حق ربنا وحق الناس هيضيع حقي ، اتمني برده يكون عندها استعداد لو ولادي رجعوا لحضني تكون ام ليهم واكيد هوفرلها الدعم والمساعدة انا مش عايزك تخدميهم ولا حتي تخدميني انا ، انا عايزك شريكة حياه ورفيقه طريق ليا ، وام حنينه لولادي لو ربنا اكرمني ورجعولي مع أنه امل مستحيل لكن بتمناه من ربنا .. انا مريت بتجربه فتتت روحي وكسرت ضهري ومعنديش استعداد اتعب تاني ولا اتعب حد معايا ، انا محتاج ونس ودفا واهتمام حقيقي مش مصطنع ولا بتكلف ، كلامي مش مترتب يمكن بس من كتر الكلام اللي الواحد عايز يقوله مش عارف اقول ايه ، زي اول كلامي هوفر الحديث لصاحبة النصيب وربنا يراضيني