العمر_لحظة

أنا نفسى أتجوز راجل عادى مش نرجسى ومش عنده fear of commitment . ومش بتاع ستات ولا مدمن شغل. ولا ابن أمه ولا راجل متسلط بيضرب ويهين. راجل عادى أتونس بيه وأتسند عليه وأبقى متأكدة إنى مالية عينيه، راجل أبقى شايفة حبه ليا ف ريحة الفاكهة جوا الأكياس اللى داخل بيها عليا وهو راجع من شغله. فى كوباية شاى عملهالى وهو بيعمل لنفسه، فى ترتيبه لسرير فى يوم عادى جدا. راجل ينادينى ويحلف عليا أسيب اللى فى إيدى وآجى اتفرج معاه ع حاجه بحبها راجل مابيكتبش أشعار فيا ع الفيس بوك. ولا لازم يكون حلمه نصيف فى المالديف. بس يكون زعله عادى ورضاه عادى برضو راجل مش صعب مش مجهد. راجل ابص له كل يوم وهو نايم جنبى على المخدة واقول حسه فى الدنيا كفاية. راجل كل مرة تتلاقى عيونا أشوف فيها إنى ست حلوة. راجل حاطتنى فى حساباته وخططه، وأحلامه. -راجل عادى- بس تقريبا مبئاش ف حد عادي