راضي بأمر ربي

انا شاب علي قد حالي..بس عينه مليانه بثقته بنفسه وعزة نفسه.. شغال امين مخزن .. الدنيا ملخطبه معايا بس صابر وبحتسب وبقول ان شاء الله ربنا هيفرجها من اوسع الابواب.. واللي شجعني اني اطلب كده هو سيدنا النبي لاني تذكرت انه تزوج السيده خديجه وهيا اكبر منه ب 15 سنه واغني منه مالا ووقفت جنبه وساندته بمالها وحبها وهو كمان كانت احب زوجاته اليه .. الحمد لله ملتزم بصلاتي.. شخصيه قويه .. شكلي جميل .. دمي خفيف.. بحب القراءه..وعندي اساسيات للغات English و French بحب اكتب شعر .. رومانسي بطبعي.. بهتم بمظهري .. جدع واللي حواليا يشهدو .. طموح ونفسي اكبر انا والانسانه اللي هتكون شريكة حياتي .. عقلي كبير اوي وخصوصا في التجاره بس مش لاقي الفرصه ولا الامكانيات بالرغم من محاولاتي وشوفت في الحياه اللي خلاني اعرف يعني ايه مسؤليه والتزام. ونقطة اخيره . ان اراد ربنا واكرمني بالانسانه دي فياريت متفكرش انها بمجرد وقوفها جنبي او انها اعلي مني ماديا ان ده هيديها الحق انها متقدرنيش ولا تقدر اني راجلها اولا واخيرا لاني مش هقبل اني احس اني صغير ف نظر شريكة حياتي مهما كان وضعي . يعني بمعني اوضح الراجل راجل والست ست وهيا مسؤله مني اولا واخيرا