Nada Nounou

انا انسانه مريت بتجارب كتير جداً ممكن ممرش بيها حد عنده ١٠٠ سنة، وده بدون مبالغة.. وهنحكى.. و هتعرف.. التجارب دى شكلتنى، عملت منى انسانه مختلفة، كلنا فينا الحلو والوحش، لو بصيتلي تقدر تشوفني انسانه عظيمه و تقدر تعد الاسباب للصبح، و لو بصيتلى برده تقدر تشوفني انسانة بشعه ، وتقدر تعد الاسباب للصبح برده، انا فيا الحلو والوحش وكلنا، بس احنا بسبب تجاربنا و خبراتنا في الحياه بنقرر بدون وعى حكمنا على الاخرين، وبينستهتر بالمثل العظيم اللى بيقول بص لنص الكباية المليان مش الفاضى.. انا بتعاطف مع كل انسان لمجرد انه بشر ضعيف كل ظروف حياته اللى كونت شخصيته وهوه طفل كانت قهرية اجبارية هوه مختارهاش، محدش اختار مستوى عيلته الاجتماعى ولا دينه ، ولا تقاليد مجتمعه وأفكارهم اللى بتكون فكر وشخصية الانسان من قبل ما ينضج.. كفاية فلسفة.. انا مش اجتماعية اوى، منظمة ونظيفة، ده مهم جداً بالنسبالى، بحب الروتين جداً، اممم .. انا مش مرحه، دمى مش خفيف، مبفهمش الألش معظم الوقت وبحتاج حد يشرحلي.. طبعاً ضرورى تستنتج انى مش متحدثة أوى ، أنا بعرف اكتب احسن ما بتكلم، بفكر وبحلل كل حاجة ، وده مرهق جداً.. انا بحب اتفرج على مسلسلات وافلام جداً، اجنبى - اوروبي - نادراً لو عجبنى حاجه عربى او هندى.. بعشق السفر والموسيقى، طبعاً انا انسانه حساسه جداً جداً، ده مهم اوي.. انا مش بتحمل الصوت العالى ولا الاضاءة العالية، لا اتحمل الزعل والعصبية، بقدر الحوار البناء و التفاهم في كل الامور من أكبرها لاصغرها، احترم جداً حريتك الشخصية، كما احب احترام حريتى الشخصية، انا مدخنة، أشرب الكحول أحياناً، عندي بعض الافكار الغير معتاده فى مجتمعاتنا، مجبرة على احترام عادات وتقاليد مجتمعاتنا الباليه نوعاً ما، لست متدينة على الاطلاق، لا أصلي، و لا ارحب بمحاولة اقناعي أو هدايتي، أرحب بنقاش مفتوح بدون غاية سوى التعرف والفضول، عادة اكتب انى ابحث عن من فوق الخمسين ، بالنسبالى الرجل فوق الخمسين هيكون ناضج بما فيه الكفاية بحيث نقدر نتوافق لكن اكتشفت بالتجربة أن السن مش شرط للنضج، فاا.. عشان كده بشرح، بليز انا نفسي الاقي الانسان الصح.. نصي الثانى.. اللى أكمل معاه حياتى بأمان وهدوء.. حاجة مهمة.. أنا مش متأكدة من رغبتي اني اشتغل بعد الجواز، فأنا مش هساعد في البيت، عندي بنت ١٤ سنة عايشة معايا و ليها مصروف شهري بسيط من جدها للمساعدة بس ف الي هرتبط بيه هيكون متكفل بينا احنا الاتنين، غير كده ابني عايش مع جده لكن فيوم هييجي يعيش معايا وانا بتمنى اليوم ده ييجي بكرة، لكن فوقتها الانسان الي هرتبط بيه هيكون متكفل بينا احنا الثلاثة، الكلام المنطقي الي هييجي فبالك ان ليه باباهم ميصرفش عليهم ده المفروض، خاصة انه وضعه المادي كويس لكن الفكرة اني طلبت وهوه بيدي للولاد مبلغ بسيط جدا في الشهر، وانا حاولت ازود الفلوس بس معرفتش ومش هدخل محاكم عشان اخلي ابو اولادي يصرف عليهم، ف هوه ده الوضع الحالي والمتوقع