خيلاء

عن نفسي مش عارفة اقول اية ، بس انا حد عادى ، عادى اوى ، بسيطة فى حياتي ، احلامى مش كبيرة ومش معني كده انى ماليش احلام لا بحلم بس على قدى . بحب البحر ، موجة صوته الهادى او العالي كل صوت فيهم بيزرع جوايا احساس مختلف عن التاني ، الهادى امان و العالى ونس ، بحب الخضرة فيها معني المرح التفاؤل بس مش بحب الأخضر ك لون ، بحب السما وبلونها اللبني الهادى بتحسسني بالبراح و ان بكرة اللي جاى من بعيد جاي وجايب خير كتير اوى مهما اتأخر او حتى لو مجاش فمتشالي في في دنيا تانية اجمل واطهر بكتير ، بحب ملامح كبار السن بحس بصبر و حكمة كأنهم احجار كريمة غاية في الجمال رغم تجاعيد وشوشهم وضعف طاقتهم ، بحب الحياة لانها هب من ربنا ،، وينفعش نكرهه هدية ربنا ادهلنا مهما شوفنا منها او عيشنا بسببها ،، بحب نفسي مش انانية ولا نرجسية خالص ، بحبها لانها من صنع الله مهما كانت عيوبي اللي فرضتها عليا الحياة والناس فأنا برضه جميلة عشان ربنا عمره ما خلق حد وحش من الاول للاخر ، بس احنا اللي بنشوف اللي ناقص فينا و بنركز ونفتكر العيوب فى بعض ،، كلنا ملك للرب و كلنا له رجعين ،، كلنا أمانات عند بعض حتى لو مش نفس الدم و بنا صلة قرابة ،، كلنا امانه من ربنا عند بعض ولازم نصون ونحفظ الامانه دية لانها أمان الخالق مش امانه مخلوق ، يوم ما هرتبط هيبقي امانه ربنا عندى و هختارة يعرف انى أمانه برضة عندة لازم يحافظ عليها وانا كمان .