Cenurita elkon

قرار الزواج في الزمن ده بالذات بقى أصعب ما يكون .. بلاش تكون فكرتنا عن الزواج مجرد فستان وفرح وشوية هيصه وخلاص كده ! لا ده احنا بنختار شريك لحياتنا كلها ، مش يوم ولا اتنين ده عمر كامل ، شخص هيتحكم بشكل كبير ف حياتنا ، هنسلمله نفسنا بشكل كبير ، شخص ممكن يرفعنا لفوق او يخسف بينا الأرض ، شخص ي اما ولادك هيشكروك ع اختيارك ليه او هيفضلوا طول العمر يأنبوا فيك ! نتأنى جدا ف اختيارنا ، ياريت ناخد بوصية الرسول عليه الصلاة والسلام ونبحث عن صاحب الدين والخلق ، بلاش نفصل بين الاتنين ، الدين مينفعش من غير الأخلاق ، والأخلاق متكتملش من غير دين ! لو ارتضينا دينه وخلقه ، نحاول بقدر الإمكان نفهم طباعه كويس اوي ، نعرف ايه عيوب شخصيته قبل مميزاته ونشوف اذا كانت هتتناسب مع طبيعة شخصيتنا ولا لأ... اخيراً .. ياريت نختار صح ، او على الأقل نحاول نعمل كده ، نختار سند لينا وقدوة لأولادنا .. نختار اللي يعينا على القرب من ربنا ، ويرفعنا دايماً لفوق ... شكرا ...