Dr:Yasmine

مااليش في الروتين و ما بحبش النكد أبدا و ماليش في شغل الستات الخنيقة - الحق يقال زي ما في رجالة بتخنق فيه كمان ستات بتكره الواحد في عيشته - بحب البساطة في التعامل جداااااااااااااا و اللي مايعرفنيش كويس ممكن يقدرش يفهمني أبدا أحب الوضوح و الصراحة و ماحبش اللف والدوران بيزعجوني جداااااااااً و من أكتر الناس اللي بتحترم صراحة الطرف الآخر يعني لو عامل مصيبة و قولتلي انك عامل مصيبة ماينفعش تحت أي ظرف إني أخليك تندم انك صارحتني و إلا كدا هكون خسرت عامل الثقة لكن -لو لا قدر الله - انا اللي اكتشفت او الظروف كشفت صعب عليا جدا اني اتقبل الموضوع حتى لو كان بسيط طالما انا فاتحة باب المصارحة على مصراعيه الإنسان العاقل لازم يفهم ان دي حاجة مريحة جداً في التعامل لأنها بتشيل أي أعباء على النفس و بتخللي الحياة واضحة كل إنسان حر في حياته - فيما سبق - لكن حياة مكونة من طرفين ما ينفعش فيها نخبي على بعض و نكذب تحت أي مسمى أو مبرر الحمد لله ربنا أكرمني بكل حاجة ممكن بنت تتمناها و رزقني كل حاجة نفسي فيها اتعلمت كويس جدا و بسافر كتييير برا مصر تقريباً انا وحيدة إلي حد ما و ده بسبب ان مفيش حد في عائلتي في سني و دائرتي الإجتماعية محدودة جداً - عندي زمايل جامعة او ماجستير او دكتوراة – إجتماعية جدا بس من زمان و لظروف معينة في الحياة و انا صغيرة طلعت مش بحب اختلط واتدخل مع الناس علشان كدا رجاءاااااااااااااااااااً اللي يفكر يكلمني يكون فاهم يعني ايه حد وحيد يعني عائلته هتكون عائلتي يعني حياته هتكون حياتي لو مش هيقدر يحتويني بلاش علشان ما نتعبش مع بعض و انا اللي يقدرني عليه ربنا هعمله و زيادة وقت الجد هيلاقي دماغ كبيرة قاعدة تتكلم و تفكر معاه وقت الهزار هيلاقي أعيل من كدا مفيش بإذن الله هيلاقي واحدة يكون فخور بيها قدام أي حد - يعني لكل مقام مقال- انا تعبت على نفسي كتير و دايما بحب أحسن من نفسي و أشوف انا ايه النهاردة و عايزة اكون ايه بكرة و اشتغل على نفسي في كل المستويات : مستوى اجتماعي – ثقافي – علمي – أخلاقي ....... بس تماماً ضد فكرة self independent woman الست مهما كانت و مهما وصلت لحاجات في حياتها عمرها ماهتبقى رجل ولا هتقدر تكمل من غيره لازم في الآخر يكون فيه رجل بجد في حياتها ياخدها تحت جناحه زي ما بيقولوا – لكن فكرة إننا نكون ند لند دي صعبة حلو ان شخصيتي تكون قوية و يقدر شريك حياتي يعتمد عليا لكن مش حلو أني أكون متسلطة - شتاااااااااااااااان الفرق - -- أهم حاجة يا جماعة لازم نفهم كويس ان مفيش فينا حد من غير عيوب و لا أخطاء - و انا مش بدور على مميزات – انا يهمني أكمل حياتي مع شخص قادرة أتقبل و أتعايش مع عيوبه و هو كمان يتقبلني و يكون قادر يتأقلم معايا عايزين نعيش حياة حلوة بكل اللي فيها و نفضل مكملين بعض علشان ماتقعش مننا و كمان انا اسفة الحمد لله بفضل ربنا انا عايشة في مستوى ممتاز و بعتذر مش هقدر اعيش في مستوى متوسط علشان مانتعبش مع بعض - رحم الله امرىء عرف قدر نفسه - و الله يوفق الجميع لما يحبه و يرضاه