Omniiaaa

أنا طول الوقت لوحدى عملت كل حاجة لوحدى وبنيت شخصيتى لوحدى نجحت وفرحت زعلت ووقعت وقومت تانى اكيد اوقاات كتير بحتاج حد " حقيقى " معايا بس عمرى ما كنت ولا هكون البنت الى هتاخد ولا هتحتاج لحد مجرد -سد خانة - لا كلام مجتمع اغلبيته معقد وتعيس وفاشل فى حياته عمره ما هيكون سبب يضغط عليا عشان اتورط فى حياة اعيش فيها ميتة كل الى حسيت انه مايستاهلش نعمة وجودى فى حياته بستغنى عنه وعمرى ما هيكون الاحتياج الإيد الى بتوجعنى وتخلينى اتورط او اظلم نفسى مع حد مش شبهى او مايستاهلش وجوده فى حياتى لما بتعدى بالخوف والقلق والمرض والأزمات ومواجهة الدنيا والمشاكل والوحدة لوحدك بتقوى كتير وبتكون بتدوَّر على " شريك حياة والرحلة " مش أى حد مش حد سد خانة مش راجل وخلاص عشان امشى مع التيار وابقى اتجوزت وخلفت زى ما الناس بتعمل انا مش هقضى حياتى غير مع راجل يكون شبهى راجل لما ابص له اتمنى اخلف ولد يطلع شبهه ف كل حاجة راجل سوى يعرف ربنا وبيصلى ، ناجح وطموح ، اقدر اتطمن معاه ، راجل يكمل معايا رحلة الحياة كتف بكتف وإيد بإيد ، نحلم سوا وننجح سوا ونكبر سوا ونعدى أزماتنا ومخاوفنا سوا ويا كده يا بناقص وانا واثقة إنى هقابله 🥰 إن شاء الله