نبيلة 777

جادة، مرضت بمرض مزمن من لا يتقبل الامر لا يتواصل معي جرحوها وقالولها بايرة عمرك ربعين بكات بالدموع حتان تحرقو لعينين قالت علاش يعايروني برزق مامدوليش ربي العالمين؟ واحد قالها وليتي عجوزة غير متطمعيش في لبنين والثاني قالها كي نتزوج ندي مولات لعشرين ولي كيفك يا لعجوزة راهم منسيين بكات بالشهقة وقالت هذو مسلمين؟؟ ديننا دين رحمة وعلاش الناس رجعو قاسيين فاتو ليالي وأشهر وسنين.... وهي عايشة في جحيم ....في مجتمع المنافقين والحڨارين قالولها وصلتي لخمسة وربعين غير وجدي لكفن والروبة لبيضة خليها للصغارات لي جمالهم جمال الياسمين قلبها كان مليان إيمان ..بصح جرحوه وصبح حزين هزت ليدين تدعي رب العالمين ...قاتلو ياربي لحنين أديني لعندك ....عبادك مرحمونيش وأنت أرحم الراحمين قاتلو ياربي حاسبوني على حاجة مشي باليدين رقدت لحنينة ودموعها على لمخدة سايحين وفي يوم خرجت لحنينة تقضي... تخبطت في راجل زين طاحو لعينين في لعينين ..... قال هذي هي لي كنت نحوس عليها من سنين قرب ليها وهدر معاها... قالها نويتك حلالي على سنة الله وخاتم المرسلين قاتلو كبيرة في الخمسة وربعين وراك قل مني بعامين قالها يا الوردة غير نتي لي تسكني داري ونعيشو مع بعض يامات زينين ضحكت لحنينة وقاتلو جيب الوالدين تزوجو.... بعد أشهر زاد عندهم ولد كي لقمر سماوه زين الدين وعاشو هانيين ولي قالها متطمعيش في لبنين كي طاحت الصحة رماوه أولادو في دار المسنين ولي قالها نجيبها مولات عشرين دار أكسيدا وتحشو الرجلين قاتلو أنا صغيرة حابة نعيش حياتي ومنيش حابة نكملها مع لمعوقين وصيتي ليكم ياخوتاتي وخاوتي الزينين بلاك تحاسب الناس على حاجة بيد ربي وتجرح بكلام كيما يجرح السكين وربي لي سمى نفسو بالمنتقم غير تخلصها غالية في الدنيا فمابالك بيوم الدين...