فاعل الخير.ناج

- ناس بكري قالوا : كي تبدا قول بسم الله و كي تكمل قول الحمد لله ما تتعراش و أنت عرقان - وما تشربش الماء وأنت عرقان و ما تكسلش رجليك وسط الجماعة - و ما توكلش أولادك وسط الجماعة. وما تشربش بالواقفة - وجهك نقيه ما تدري وش تلاقي بيه و لي فاتك بالزين فوتو بالتبسيمة - و لي فاتك باللبسة فوتو بالنظافة - ولي فاتك بالعلم فوتو بالظرافة - ولي فاتك بالصنعة فوتو بالسياسة - ولي فاتك بالمال فوتو بالقناعة ولد السبع ما يجي مشحاح - والدفلة ما تجيب تفاح - دقيق البشنة ما يجي منها الطعام - وصوف الكلاب ما يجي منها البرنوس. كبير العرش طيعه - وكبير الراس والكرش بالرخس بيعو -زينة السوق قعادو - زينة الفراش أولادو و زينة الحديث كي يعود موش في الصواب سكاتو. عرة الفاكية البرقوق - وعرة النسا لي طيب وتذوق وعرة الرجال لي يسوق بعد سوق. إذا شين أستر فضايحك وإذا زين أستر روحك من العين.