لان الله ربي

أنا شخصية مابتؤمنش بفكرة البعد عن ناس اتعلقت بيها وحبيتها ..أنا مابرتاحش لحد بسهولة .. مابقربش حد من قلبى بسهولة ..علشان كدة عمرى ما بؤمن بفكرة البعد.. ما بيكنش عندى استعداد أوجع فى قلبى واعذب روحى علشان شعارات فارغة ..بحس إن مبادئ الكرامة دى المفروض تكون مع الغرب ..مع الأشخاص العاديين ... مابحسش خالص إنى قليت من نفسى لما باجى على نفسى علشانهم..بالعكس.انا فى حياتى بحاول أحافظ عالناس الى بحبها ..مابحبش البدائل ولا أحب تبادل الأدوار..بحب الإستقرار .. الإكتفاء .. أنا بثق إن اى حد حبيته واصبح غالى عندى يستاهل كل حاجة ممكن تتعمل علشانه .. واى حد طلع ثقتى فيه مش فى محلها مابلومش عليه خالص .. لإنه قرارى واختيارى والمفروض أكون متحمل مسؤليته سواء نتيجته طلعت كويسة أو وحشة..الإنسان إللي حتى مش قادر يتحمل مسؤلية قرار أخده فى حياته وبيرمى كل حاجة عالنصيب والدنيا هو انسان جبان ..ضعيف ..لا يعتمد عليه ..لإن القرار والاختيار هى مغامرة..الإحتمال فى إنك تنجح فيها أو تفشل موجود .. فاماترجعش تعيط لما تكتشف ان قرارك فاشل وترمى أعذارك وحججك على ناس تانية..لإن ماحدش ضربك على إيدك ولا أجبرك على اختيارك..الحياة عايزة الى يعيش بقلب راجل شجاع ..القرار الى ياخده يكون مستعد لإنه يتحمل كل خسايره . علشان كدة دايما بدعى ربنا إنه يرزقنى بناس ولاد أصول ...جدعة ..أقدر أتسند عليهم وأقوى بيهم ياريت إللي هتدخل على ملفي الشخصي ويعجبها تتواصل معايا وده رقم الواتس 01552337204 والبريد mamhoud955@gmail.com